«Նաիրիտի» գործարանի նախկին աշխատակիցներն այսօր՝ հոկտեմբերի 4-ին, շարունակել են բողոքի ակցիան Ազգային ժողովի մոտ: Մինչ այդ նրանք նախագահական նստավայրի մոտ են նեկայացրել իրենց պահանջը: Բողոքի ակցիան համակարգող Կարինե Շահվերդյանը NEWS.am-ի հետ զրույցում ասաց, որ իրենց պահանջը նույնն է՝ գործարանի վերագործարկումը:
Նաիրիտցիների հետ հանդիպել են «Ծառուկյան» խմբակցության պատգամավորներ Վահե Էնֆիաջյանը եւ Հակոբ Նազարյանը: Նրանք խոստացել են այսօր Ազգային ժողովում կառավարության հետ հարց ու պատասխանի ժամանակ բարձրաձայնել նաիրիտցիների պահանջը:
Վահե Էնֆիաջյանը նշել է, որ Ռուսաստանը ներմուծում է 18 միլիարդ դրամի կաուչուկ, իրենք քննարկել են հարցը գործընկերների հետ, որ այս մասով հնարավոր լինի համագործակցել Ռուսաստանի հետ: