Հոկտեմբերի 2-ին ոստիկանության Երեւան քաղաքի վարչության գրպանահատության դեմ պայքարի վարչության ծառայողները օպերատիվ տեղեկություններ իրացնելիս, ոստիկանության Էրեբունու աշխատակիցների հետ համատեղ, մայրաքաղաքի Զավարյան փողոցից բաժին բերման են ենթարկել 29-ամյա Գոռ Պ.-ին։ Նա կասկածվում էր թմրամիջոց պահելու մեջ։
Խուզարկությամբ Գոռ Պ.-ի պայուսակից հայտնաբերվել են ներարկիչներ, սրվակներ եւ սպիտակ դեղահաբ։ Նա ոստիկաններին հայտնել է, որ հայտնաբերվածն իսկապես թմրամիջոց է, պահում է անձնական օգտագործման համար։
Հայտնաբերվածն առգրավել, փաթեթավորվել եւ ուղարկվել է փորձաքննության։ Գոռ Պ.-ն ստորագրությամբ բաց է թողնվել։ Քննությունը շարունակվում է։
