Ռուսաստանի հետ պայմանագիրը միայն կուժեղացնի Հայաստանի պոտենցիալը։ Այս մասին հոկտեմբերի 4-ին ԱԺ–ում ասել է ՀՀԿ պատգամավոր Արման Սաղաթելյանը՝ ելույթ ունենալով Հայաստանի եւ Ռուսաստանի զորքերի միացյալ խմբավորման կանոնակարգի քննարկման ժամանակ։
Նրա խոսքով՝ այդ փաստաթուղթը ոչ միայն չի ոտնահարում հայաստանի ինքնիշխանությունը, այլ նաեւ բազմապատկում է երկրի ռազմական պոտենցիալը։ Իսկ կոնկրետ ռազմական առաջադրանքների մասին պետք է դատել ըստ գործերի։ «Այդ քննարկումների ժամանակ խոսքն այն մասին էր, թե ինչու 216-ի ապրիլին մենք չունեինք ՌԴ ՕՏՈւ հետախուզության տվյալները։ Ուզում եմ հիշեցնել, որ հետախուզության խնդիրն է ոչ թե պատասխանել «ի՞նչ» եւ «ինչպե՞ս», այլ գլխավորը՝ «ե՞րբ» հարցերին։ Իսկ այդ հարցին պատասխանում են հետախուզության բոլորովին այլ ստորաբաժանումներ, որոնք այդ պայմանագրի հետ կապ չունեն»,– ասել է Սաղաթելյանը։
