Գյուղատնտեսության նախարար Իգնատի Առաքելյանը կարծում է, որ մսի շուկայում թանկացումները պայմանավորված են պահանջարկով։ Այս մասին այսօր Ազգային ժողովում լրագրողների հետ զրույցում ասել է Իգնատի Առաքելյանը:
«Շուկայի պահանջարկը ձևավորում է գինը», -ասել է նախարարը։ Լրագրողի դիտարկմանը, թե մարդիկ սկսել են շա՞տ միս ուտել, նախարարը արձագանքել է.
«Բոլոր դեպքերում շուկան է որոշում գինը, շատ-քիչ ուտելը ուրիշ հարց է»։
Նախարարն ասել է, որ երաշտի հետևանքով անասնագլխաքանակը չի պակասել և դա չէր կարող ազդել մսի գնի բարձրացման վրա։
Հարցին, թե հնարավո՞ր է անասնագլխաքանակ է արտահանվում, ինչն էլ թանկացման պատճառ է դարձել, Առաքելյանը պատասխանել է. «Կա արտահանում, որը կազմել է լրացուցիչ 12 հազար գլխաքանակ և դա չէր կարող ազդել մսի գնի վրա։ Բայց դա կարող էր մի իրավիճակ ստեղծել, որի հետևանքով մսի գինը կբարձրանար, ասենք՝ վաճառողը մտածեր, քանի որ կա պահանջարկ, գինը բարձրացնեմ»։