Հայաստանում զինծառայողները պետք է հիգիենիկ պարագաների պակաս չունենան: Այս մասին հոկտեմբերի 4-ին ԱԺ-ում ասաց պաշտպանության նախարար Վիգեն Սարգսյանը ՝ պատասխանելով «Ելքի» պատգամավոր Մանե Թանդիլյանի հարցին:
Նրա խոսքով՝ զինծառայողներն ամսական փող են ստանում դրանք գնելու համար: «Եթե որեւէ մեկը ինչ-որ բանի լրացուցիչ կարիք է ունենում, ապա միանգամայն հնարավոր է, որ նրան տնից են ուղարկում: Ամեն դեպքում մենք ամեն ինչ անում ենք, որ նման պահանջմունք չառաջանա»,- հավաստիացրեց Սարգսյանը:
