ՌԴ ԱԳՆ պաշտոնական ներկայացուցիչ Մարիա Զախարովան մեկնաբանել է Սիրիայում ռուսաստանցիներ գերեվարելու մասին լուրերը։
«Այս պահին ՌԴ ԱԳՆ–ն այլ գերատեսչությունների եւ արտասահմանցի մեր գործընկերների հետ համատեղ տարածաշրջանում աշխատանքներ է տանում քաղաքացիության պարզման եւ նրանց գտնվելու վայրը ճշտելու համար։ Ճշտվում է նաեւ այն, թե այդ մարդիկ ինչու են եղել Սիրիայի տարածքում, եւ ինչպես են նրանց առեւանգել»,– ասել է Զախարովան։
Նրա խոսքով՝ ռուսական կողմը կապ է պահպանում Սիրիայի իշխանությունների հետ։
Նշենք, որ «Իսլամական պետությունը» սեպտեմբերի վերջին հայտարարել էր, թե գրոհայինները գերեվարել են 2 ռուսաստանցիների։ Մի քանի օր անց հայտնի էին դարձել նրանց անունները՝ Ռոման Զաբոլոտնի, Գրիգորի Ցուրկանու։