․ Turan ադրբեջանական գործակալության հաշիվները նորից արգելափակվել են։
contact.az-ի փոխանցմամբ՝ Հարկերի նախարարությունը հոկտեմբերի 2-ին այն բանկեր, որտեղ գտնվում են Turan գործակալության հաշիվները, ուղարկել է կարգադրություն՝ գործակալության հարկային պարտքի մարման հաշիվ մտնող գումարային միջոցների առգրավման մասին ։ Այս որոշումն ուղարկվել է բանկեր այն բանից հետո, երբ գործակալությունը հայտնել է, որ հոկտեմբերի 1-ից վերսկսում է աշխատանքը։ Նմանատիպ կարգադրություն էլ ուղարկվել էր բանկեր սեպտեմբերի 5-ին, բայց հետո այն չեղարկվել էր սեպտեմբերի 15-ին, այն բանից հետո երբ Հարկերի նախարարությունը հայտնել է, որ գործակալությունը որեւէ պարտք չունի։ Սակայն սեպտեմբերի 18-ին Հարկերի նախարարությունը նորից գործակալություն է ուղարկել ծանուցագիր՝ 37 հազար մանաթի չափով պարտքի վերականգնման մասին։
Այս ֆոնին գլխավոր դատախազ Զաքիր Գարալովը սեպտեմբերի 30-ին անսպասելիորեն հայտնել է լրագրողներին, որ Turan գործակալության աշխատանքի համար որեւէ խնդիր չկա։ Թե ինչով է պայմանավորված գլխավոր դատախազի այդ լավատեսությունը, նա չի պարզաբանել։
