Հոկտեմբերի 4-ին, ժամը 20:59-ին ահազանգ է ստացվել, որ Երեւան քաղաքի Ավան 3-րդ փողոցի տներից մեկի 3-րդ հարկից քաղաքացին ընկել է 2-րդ հարկ. քաղաքացուն շտապօգնության ավտոմեքենային մոտեցնելու համար անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Պարզվել է, որ 1980 թ. ծնված Մ. Ա.-ը արտաքին պատին ամրացված աստիճանավանդակով տանիք բարձրանալիս ընկել է 2-րդ հարկի պատշգամբ:
Փրկարարները Մ. Ա.-ին իջեցրել եւ մոտեցրել են շտապօգնության ավտոմեքենային: Տուժածը, հոսպիտալացվել է «Սուրբ Գրիգոր Լուսավորիչ» ԲԿ:
