News
Լրահոս
News
Երեքշաբթի
Մայիս 17
USD
454.99
EUR
474.78
RUB
7.21
Տեսնել լրահոսը

Հայաստանը, ապաստան տրամադրելով շուրջ 22 հազար փախստականների, բնակչության թվի հարաբերակցությամբ երրորդն է Եվրոպայում` Սիրիայից փախստականներ ընդունող երկրների շարքում: Այս մասին ՄԱԿ-ի փախստականների հարցերով Բարձր հանձնակատարի ծրագրի Գործադիր կոմիտեի 68-րդ նստաշրջանում հայտարարել է հայաստանյան պատվիրակության ղեկավար, ԱԳ նախարարի տեղակալ Աշոտ Հովակիմյանը:

Նշենք, որ հոկտեմբերի 2-6-ը Ժնեւում ընթանում է ՄԱԿ-ի փախստականների հարցերով Բարձր հանձնակատարի ծրագրի Գործադիր կոմիտեի 68-րդ նստաշրջանը, որին մասնակցում է ՀՀ պատվիրակությունը՝ ԱԳ նախարարի տեղակալ Աշոտ Հովակիմյանի գլխավորությամբ:

Հայաստանի ԱԳՆ–ից NEWS.am-ին հայտնում են, որ նստաշրջանին բացման խոսքով հանդես է եկել ՄԱԿ-ի փախստականների հարցերով Բարձր հանձնակատար Ֆիլիպո Գրանդին։

ԱԳ նախարարի տեղակալ Աշոտ Հովակիմյանն իր ելույթում վերահաստատել է Հայաստանի աջակցությունը փախստականների եւ միգրանտների մեծ տեղաշարժերի հարցերին նվիրված Նյու Յորքի հայտարարությանը, անդրադարձել փախստականներին առնչվող գլոբալ մարտահրավերներին` ընդգծելով ՀՀ պատրաստակամությունը շարունակելու արդյունավետ համագործակցությունը Բարձր հանձնակատարի գրասենյակի հետ` տեղահանված անձանց կարիքները հոգալու եւ փախստականներին ու ապաստան հայցողներին անհրաժեշտ աջակցություն ցուցաբերելու հարցում։

ԱԳ նախարարի տեղակալն անդրադարձել է Ադրբեջանից գաղթած հայ փախստականների խնդրին, ովքեր Ադրբեջանի վարած էթնիկ զտումների քաղաքականության հետեւանքով ստիպված էին լքել իրենց տները՝ դառնալով փախստականներ։ Նախարարի տեղակալը դատապարտել է նաեւ նախորդ տարվա ապրիլի սկզբին Արցախի դեմ Ադրբեջանի ագրեսիան, որն ուղեկցվել է միջազգային հումանիտար իրավունքի կոպտագույն խախտումներով:

Աշոտ Հովակիմյանն անդրադարձ է կատարել նաեւ Սիրիայից փախստականների խնդրին` նշելով, որ Հայաստանը, ապաստան տրամադրելով շուրջ 22 հազար փախստականների, բնակչության թվի հարաբերակցությամբ երրորդն է Եվրոպայում` Սիրիայից փախստականներ ընդունող երկրների շարքում: Փախստականների ընդունման եւ ինտեգրման հարցում ԱԳ նախարարի տեղակալը բարձր է գնահատել Հայաստանում ՄԱԿ փախստականների հարցերով Բարձր հանձնակատարի գրասենյակի եւ ՀՀ իշխանությունների սերտ համագործակցությունը։

ԱԳ նախարարի տեղակալը նշե լէ, որ, ի լրումն Հայաստանի իշխանությունների ջանքերի, անհրաժեշտ է միջազգային հանրության եւ դոնոր կազմակերպությունների աջակցությունը։

Արձագանքելով ՀՀ պատվիրակության ելույթին՝ Բարձր հանձնակատար Ֆիլիպո Գրանդին երախտագիտություն է հայտնել Սիրիայից մեծ թվով փախստականներ ընդունելու համար:

ԱԳ նախարարի տեղակալ Աշոտ Հովակիմյանը հանդիպում է ունեցել ՄԱԿ Եվրոպայի տնտեսական հանձնաժողովի նորանշանակ գործադիր քարտուղար Օլգա Ալգաերովայի հետ։

Հանդիպման ընթացքում երկուստեք գոհունակությամբ արձանագրվել է Հայաստանի եւ ՄԱԿ Եվրոպայի տնտեսական հանձնաժողովի միջեւ կայուն համագործակցության մակարդակը եւ մի շարք ծրագրերի հաջող ընթացքը։ Աշոտ Հովակիմյանը նշել է, որ Հայաստանն ակտիվ քայլեր է ձեռնարկում երկրի զարգացման հետագա ընթացքը Կայուն զարգացման նպատակների օրակարգին համապատասխանեցնելու հարցում։

Աշոտ Հովակիմյանը հանդիպում է ունեցել նաեւ ՄԱԿ փախստականների հարցերով Բարձր հանձնակատարի՝ Գործողությունների հարցերով տեղակալ Ջորջ Վիլյամ Օկոթ-Օբբոյի հետ, որի հետ քննարկվել են Հայաստանի կողմից փախստականների ընդունման եւ երկրի սոցիալ-տնտեսական կյանքում նրանց ինտեգրմանն առնչվող մի շարք հարցեր։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Մեր երկրում ընտանիքների զարգացման ճանապարհին խնդիրներ դեռևս շատ կան. ՄԻՊ
Մայիսի 15-ը ՄԱԿ-ի Գլխավոր ասամբլեայի կողմից հռչակվել է որպես Ընտանիքի միջազգային օր՝ նպատակ ունենալով հասարակության…
Հայաստանի իշխանությունների վեց առաջարկները Ադրբեջանին բացարձակ խայտառակություն են․ Աշոտյան
Այս, այսպես կոչված, վեց առաջարկները պարզապես ցածրակարգ շարադրություն են, որը չի պարունակում լուրջ ինտելեկտուալ քաղաքական աշխատանք․․․
ՄԱԿ-ը պատրաստ է օգնել ԿԺԴՀ-ին կորոնավիրուսի բռնկման դեմ պայքարում
Մենք մտահոգությամբ հետեւում ենք կորոնավիրուսի բռնկմանը ԿԺԴՀ-ում:
Ֆինլանդիան ԵՄ-ի փոխադարձ պաշտպանության համաձայնագիրը որպես անվտանգության երաշխիք է դիտարկում
Նա նկատի է ունեցել փոխադարձ պաշտպանության մասին ԵՄ-ի հոդվածը, որտեղ ասվում է, որ «եթե անդամ պետությունն իր տարածքում զինված ագրեսիայի զոհ է դառնում․․․
ՄԱԿ-ի գլխավոր քարտուղարը հայտարարել է, որ մտադիր է շարունակել Ուկրաինայի հարցով ՌԴ-ի ղեկավարության հետ շփումները
Կարծում եմ, որ նման շփումները կարեւոր դեր ունեն․․․
Ադրբեջանը հերքել է կենսաբանական զենքի ոլորտում հետազոտություններ կատարելու մասին պնդումները
«Ադրբեջանում երբեք չեն գործել նման գիտական ​​կենտրոններ, չեն իրականացվել հետազոտություններ, որոնք կարող են վնասել երկրի բնակչության կամ ․․․
Ամենաշատ
Ֆոտոռեպորտաժներ