ՀՀ քննչական կոմիտեի Երեւան քաղաքի քննչական վարչության Աջափնյակ եւ Դավթաշեն վարչական շրջանների քննչական բաժնում վարույթ է ընդունվել նորածնին առեւանգելու դեպքի առթիվ հարուցված քրեական գործը։
ՀՀ Քննչական կոմիտեից NEWS.am-ին հայտնում են, որ սեպտեմբերի 26-ին ոստիկանության Վաղարշապատի բաժնում քաղաքացուց հաղորդում է ստացվել առ այն, որ ապրիլի 3-ին Երեւան քաղաքի «Հանրապետական» ծննդատան մոտակայքից պատահական տաքսի ավտոմեքենայի մեջ գտնվող իր երեխային՝ ծնված 30.03.2017թ., իրեն անհայտ անձինք առեւանգել են եւ տարել անհայտ ուղղությամբ:
Դեպքի առթիվ հարուցվել է քրեական գործ՝ ՀՀ քրեական օրենսգրքի 131-րդ հոդվածի 2-րդ մասի 1-ին եւ 4-րդ կետերով, որը հոկտեմբերի 4-ին ստացվել եւ վարույթ է ընդունվել ՀՀ ՔԿ ԵՔՔՎ Աջափնյակ եւ Դավթաշեն վարչական շրջանների քննչական բաժնում:
Ձեռնարկվում են անհրաժեշտ քննչական եւ օպերատիվ-որոնողական միջոցառումներ՝ նորածնի մոր հաղորդման մեջ մատնանշված հանգամանքները պարզելու, բազմակողմանի, օբյեկտիվ եւ լրիվ քննությունն ապահովելու ուղղությամբ։
Հիշեցնենք, որ նոյւն դեպքի վերաբերյալ նաեւ երեխայի վաճառքի վերաբերյալ հաղորում է եղել: վարկաշներից մեկի համաձայն, սկզբում կինը վաճառել է երեխային, ապա ինչ-ինչ պատճառներով փոշմանել եւ հաղորդում ներկայացրել առեւանգման մասին:
