News
Լրահոս
News
Երեքշաբթի
Հոկտեմբեր 24
Տեսնել լրահոսը

Ազգային ժողովը վավերացրեց հայ-ռուսական միացյալ զորախումբ ստեղծելու մասին համաձայնագիրը: Համաձայնագիրը վավերացնելու մասին հարցին կողմ քվեարկեցին 87, դեմ՝ 7 պատգամավոր: Դեմ քվեարկողները «Ելք» խմբակցության պատգամավորներն էին:

Միացյալ զորքերի կազմը որոշում են լիազոր մարմինները, որոնք, ըստ համաձայնագրի, երկու երկրների պաշտպանության նախարարություններն են: Լիազորված մարմինները ռազմաքաղաքական իրավիճակի համապատասխան վերլուծության եւ համաձայնեցված եզրահանգումների հիման վրա, հաշվի առնելով հնարավոր սպառնալիքների ուղղվածությունը եւ զորքերի կիրառման ընդհանուր մտահաղացումը, տալիս են իրավիճակի գնահատականը:

Լիազորված մարմինները մշակում, համաձայնեցնում եւ Հայաստանի Հանրապետության եւ Ռուսաստանի Դաշնության զինված ուժերի գերագույն-գլխավոր հրամանատարների հաստատմանն են ներկայացնում միացյալ խմբավորման կիրառման պլանավորման առաջարկությունները, փաստաթղթերի ցանկը եւ բովանդակությունը, դրանց մշակման եւ գործունեության մեջ դնելու կարգը: Միացյալ խմբավորման կիրառման համատեղ պլանավորում իրականացվում է նախապես՝ խաղաղ պայմաններում երկու երկրների զինված ուժերի գերագույն-գլխավոր հրամանատարների հաստատած ընդհանուր մտահղացմանը համապատասխան:

Միացյալ խմբավորման հրամանատարին նշանակում եւ ազատում է ՀՀ ԶՈՒ գերագույն-գլխավոր հրամանատարը՝ համաձայնեցնելով ՌԴ ԶՈՒ գերագույն-գլխավոր հրամանատարի հետ: «Խաղաղ պայմաններում խմբավորման հրամանատարը ենթարկվում է Հայաստանի Հանրապետության զինված ուժերի գլխավոր շտաբի պետին, ագրեսիայի անմիջական սպառնալիքի եւ պատերազմի ժամանակաշրջանում՝ Հայաստանի զինված ուժերի գլխավոր շտաբի պետին կամ կողմերի զինված ուժերի գերագույն-գլխավոր հրամանատարների որոշմամբ՝ Ռուսաստանի Դաշնության  Հարավային ռազմական օկրուգի հրամանատարին:

Ռուսաստանը 2017 թ. հուլիսին վավերացրել է համաձայնագիրը եւ ավարտել ներպետական գործընթացները:

!
Այս նյութը հասանելի է նաև   English, Русский and Türkçe
Տպել
Կարդացեք նաև
Ամբողջ
«Դուք հայ մշակույթի մեծ գիտակ եք». Արա Բաբլոյանը պարգեւատրել է Ռաֆայիլ Զինուրովին
Ռաֆայիլ Զինուրովը ՀՀ Ազգային ժողովի նախագահին շնորհակալություն է հայտնել հայերենով եւ նվիրել իր հեղինակած գիրքը...
Հայաստանում ռուսական ռազմաբազան համալրվել է հետախուզության նոր տեխնիկական համալիրով
Ընթացիկ տարում Երեւանի եւ Գյումրիի ռազմական կայազորների միավորումներում նոր սպառազինության բաժինը կմեծանա մինչեւ 60 տոկոսով…
Ռուսական ռազմաբազայի ՄԻԳ-29 կործանիչների անձնակազմերը ստուգողական վարժություններ են կատարել
Վերջնական ստուգմանը մասնակցել են մոտոհրաձգային, տանկային, հրետանային, զենիթային, հետախուզական, բժշկական, ճարտարագիտական եւ հաղորդակցման ստորաբաժանումները…
Քննարկվել են էլեկտրական շարժիչով ավտոբուսներ փորձարկելու հնարավորությունները
Հանդիպման ընթացքում քննարկվեցին էլեկտրական ավտոբուսը Հայաստանի պայմաններում շահագործելու հնարավորությունները…
Դմիտրի Մեդվեդևը Երևանում կմասնակցի Եվրասիական միջկառավարական խորհրդի նիստի աշխատանքներին
Նախատեսվում է նաեւ ՌԴ վարչապետի հանդիպումը ՀՀ նախագահ Սերժ Սարգսյանի հետ…
Կարեն Կարապետյանը ՌԴ դեսպանի հետ քննարկել է Դմիտրի Մեդվեդեւի Երեւան այցը
ՀՀ-ում անցկացվելիք Եվրասիական միջկառավարական խորհրդի նիստին վերաբերող հարցեր…
Ամենաշատ
Partner news