Իրանում մահապատժի է դատապարտվել 32-ամյա բողոքական Յուսեֆ Նադարխանին, ով քրիստոնեություն է ընդունել 19 տարեկանում։ Նա մեղադրվում է իսլամից հրաժարվելու համար, հայտնում է «Սեդմիցա.ru»-ն։
Նադարխանին, ում ծնողները մահմեդականներ են, հերքում է, որ հրաժարվել է իսլամից՝ հավաստիացնելով, որ քրիստոնեություն ընդունելու պահին ինքը «գործող» մահմեդական չի եղել։ «Ցանկացած պահի նա կարող է մահապատժի ենթարկվել։ Եվ ինչո՞ւ. միայն այն բանի համար, որ մարդը ցանկացել է քրիստոնյա դառնալ»,- ասել է Կրոնական ազատության ամերիկյան միջազգային հանձնաժողովի նախագահ Լեոնարդ Լեոն։
Նադարխանիի փաստաբանը վերաքննիչ բողոքով դիմել է Իրանի Հանրապետության Գերագույն դատարան։
