News
Լրահոս
News
Կիրակի
Դեկտեմբեր 17
Տեսնել լրահոսը

ՀՀ նախագահ Սերժ Սարգսյանն այսօր՝ հոկտեմբերի 5-ին, այցելել է նաեւ Հայաստանի թեթեւ արդյունաբերության ոլորտի առաջատար ընկերություններից մեկը՝ «Ալեքս տեքստիլ» ընկերություն, որտեղ ներկա է գտնվել ընկերության նոր՝ հագուստի արտադրության արտադրամասի բացման արարողությանը:

Նախագահի մամուլի գրասենյակից NEWS.am-ին հայտնում են, որ Սերժ Սարգսյանին «Ալեքս տեքստիլ»-ի հիմնադիրները շնորհանդեսի ընթացքում ներկայացրել են ընկերության կողմից իրականացվող աշխատանքներն ու զարգացման ծրագրերը:

Սերժ Սարգսյանը նորաբաց արտադրամասում շրջայցից հետո ծանոթացել է կարի ֆաբրիկայի նոր կառուցվող մասնաշենքի նախագծին եւ դրա համաձայն իրականացվելիք աշխատանքներին: Նշվել է, որ շուրջ 35 հազ. քմ ընդհանուր մակերեսով կարի ֆաբրիկայի կառուցման աշխատանքները մեկնարկել են 2017թ. մարտին:

Նախնական հաշվարկով կատարվելու է շուրջ 7 մլն եվրոյի ներդրում, որի արդյունքում ֆաբրիկան կունենա շուրջ 3000 նոր աշխատատեղ։

Նախագահը եղել է նաեւ ընկերության տրիկոտաժի կարի ընդլայնված արտադրամասում, որտեղ ներգրավվել է շուրջ 470 նոր աշխատող: Ավելի քան 1 մլն եվրոյի ներդրումը կատարել է Հայաստանի ներդրողների ակումբում ներգրավված Սամվել Կարապետյանը: Սերժ Սարգսյանը ծանոթացել է կատարված ներդրումներին, արտադրական հզորությունների մեծացման արդյունքում ժամանակակից սարքավորումներով արտադրամասի գործունեությանը:

«Ալեքս տեքստիլ»-ի կողմից գործարկվել է նաեւ գործվածքի նոր արտադրամաս, որտեղ ավելի քան 2 մլն եվրոյի ներդրում են կատարել Սամվել Կարապետյանը եւ ֆրանսահայ գործարարներ հայր եւ որդի Ջիջիրյանները։

Ընկերության զարգացման ծրագրերի հետ կապված Հանրապետության Նախագահին ներկայացրել են, որ նախատեսվում է 2018թ-ին էապես ընդլայնել «Ալեքս տեքստիլ»-ի արտադրության ծավալները՝ ստեղծելով նոր աշխատատեղեր։ Մասնավորապես, ընթացքի մեջ են Արտաշատում կտորի նոր ֆաբրիկայի ստեղծման աշխատանքները. շուրջ 30 հազ. քմ մակերես ունեցող շենք-շինություններով Արտաշատի նախկին կարի ֆաբրիկան «Ալեքս տեքստիլ» ընկերությունը ձեռք է բերել 2017թ-ին: Վերակառուցման աշխատանքներն արդեն մեկնարկել են, իրականացվելու է շուրջ 25 մլն եվրոյի ներդրում, որի արդյունքում կտորի ֆաբրիկան կունենա օրական նվազագույնը 15 տոննա արտադրողականություն եւ շուրջ 400 աշխատատեղ: Ընթացքի մեջ են նաեւ Արտաշատում սրբիչի ու տնային տեքստիլի արտադրամասերի ստեղծման աշխատանքները՝ վերակառուցվում են շուրջ 20 հազ. քմ մակերեսով Արտաշատի մեխանիկական գործարանի շենք-շինությունները: Ներդրումների ընդհանուր ծավալը կկազմի շուրջ 10 մլն եվրո, նախնական շրջանում այս ֆաբրիկան կունենա շուրջ 500 աշխատակից:

«Ալեքս տեքստիլ» ընկերությունը Մասիս քաղաքում ձեռք է բերել շուրջ 50 հազ. քմ շենք-շինություններ, որոնց վերակառուցման արդյունքում կստեղծվի նաեւ բամբակե թելի ֆաբրիկա։ Այդ ուղղությամբ աշխատանքները, պատասխանատուների հավաստմամբ, նույնպես ընթացքի մեջ են:

!
Այս նյութը հասանելի է նաև   Русский
Տպել
Կարդացեք նաև
Ամբողջ
Որքանով հաջողություն կունենա Մեղրիի նոր ԱՏԳ-ն, պարզ կլինի մոտ ապագայում (ֆոտո)
Այս տարվա հունվար-հոկտեմբեր ամսվա տվյալների համաձայն...
Խտրական մոտեցումները պետք է բացառվեն. Արտակ Շաբոյանը՝ Վայոց ձորի տնտեսվարողներին
Կան որոշ ընկերություններ, որոնք այնքան էլ բարեխիղճ կերպով չեն կատարում պետության հանդեպ իրենց պարտավորությունները...
2017 թվականի 10 ամիսների ընթացքում Հայաստանից դեպի ԵՄ արտահանումը 20% գերազանցել է նախորդ տարվա նույն ժամանակահատվածը
ԵՄ-ի հետ համաձայնագիրը լուրջ իրավական հիմք կդառնա հայ-եվրոպական հարաբերությունների համար…
Մեղրիի ազատ առետրի գոտին կարող է հետաքրքիր լինել ԵՏՄ-ի եւ նրա առանձին երկրների համար. Բաբկո
Ես դեմ եմ դատարկ խոսքերին, կողմ եմ, որ լինեն իրական ծրագրեր, իրական ներդրումներ...
Հայաստանի օրենսդրության անկայունությունը վանում է ներդրողներին. տնտեսագետ
Հայաստանում կա Ազգային ժողով, որը հինգ տարվա ընթացքում ուղղակի ֆանտաստիկ փոփոխություններ է կատարել օրենսդրության մեջ…
Նախատեսվում է, որ Մեղրիի ազատ տնտեսական գոտում առաջիկա տարիներին 100- 150 մլն դոլարի ներդրում կլինի. Կարայան
Իրանցիները կարող են Մեղրիի տարածաշրջանը դարձնել լուրջ տնտեսական կենտրոն...
Ամենաշատ
Ֆոտոռեպորտաժներ
Partner news