Մյանմարի գեղեցկության թագուհի Շվի Ին Սին հայտարարել է, որ իրեն զրկել են տիտղոսից այն բանից հետո, երբ ինքը մուսուլման ռոհինջա գրոհայիններին մեղադրել է ահաբեկչության եւ բռնության մեջ, հաղորդում է The Independent-ը:
Անցած շաբաթ Շվի Ին Սին իր ֆեյսբուքյան էջում հրապարակել էր տեսանյութ, որում ասում էր, որ ռոհինջա զինյալներն անմեղ բնակչությանը բռնության են ենթարկում:
Մրցույթի մասնակիցները հաստատում են, որ աղջկանից հետ են վերցրել թագը, սակայն ժխտում են, որ դա ինչ-որ կերպով կապված է հոլովակի հետ:
Շվի Ին Սին խախտել է կնքված պայմանագիրը՝ «ցուցաբերելով մրցույթին ոչ հարիր վարք», մերժել է իր կրթության մասին վկայական ներկայացնել եւ չի պատրաստվել դեպի Վիետնամ նախատեսված ուղեւորությանը:
Մյանմայի հարավային Ռաքհայն նահանգում, որտեղ բնակվում են ռոհինջա ազգության մուսուլմաններ, իրավիճակը կտրուկ սրվել էր օգոստոսի 25-ին, երբ «Ռոհինջայի փրկության արաքանյան բանակը» ոստիկանության 30 հենակետերի վրա հարձակում էր գործել, որի արդյունքում 414 մարդ էր զոհվել: