Սաուդյան Արաբիայի քաղաքացի մի կին զոհվել է մեքենայի ղեկին, եւ սա երկրի պատմության մեջ առաջին դեպքն է այն պահից ի վեր, երբ թագավորությունում կանանց մեքենա վարելու իրավունք էին տվել, հայտնում է Gulf News–ը։

Կինը մեքենա վարել էր սովորում Ջիդդայում։ Վթարի պահին նրա կողքին է եղել ամուսինը, որը հրահանգներ էր տալիս, սակայն կինը կորցրել է ղեկի կառավարումն ու բախվել բետոնե պատին։ Կինը տեղում մահացել է, իսկ տղամարդը վնասվածքներով հոսպիտալացվել է։ Մեքենան պատկանում էր կնոջ ամուսնուն։

Նշենք, որ սեպտեմբերին Սաուդյան Արաբիայի թագավոր Սալման Բեն Աբդել Ազիզ ալ Սաուդը հրաման էր ստորագրել, որը կանանց թույլ էր տալիս մեքենա վարել։