ԵՏՄ-ի յուրահատուկ կառուցածքը իր անդամներին սեփական պոտենցիալն իրացնելու հնարավորություն է տալիս: Այս մասին Եվրասիական տնտեսական հանձնաժողովի կոլեգիայի նախագահ Տիգրան Սարգսյանը հայտարարեց Երեւանում ընթացող ռուս-հայկական 6-րդ միջտարածաշրջանյին համաժողովում ելույթ ունենալիս:
Սարգսյանն ընդգծեց, որ անդամ երկրները ԵՏՄ շրջանակում լրացուցիչ իրավասություններ են ստացել եւ ընդլայնել են տնտեսական ինքնիշխանությունը: Նրա խոսքով՝ անկախ բնակչության թվից, ՀՆԱ-ից, տարածքից, բոլորը որոշումներ ընդունելիս հավասար իրավունքներ եւ հնարավորություններ ունեն: «Այս յուրահատուկ իրավիճակը հնարավորություն է տալիս իրականացնել սեփական համեմատական առավելությունները: Առաջին հերթին՝ երկրների համար հնարավորություն է լավագույն մակարդակով ներկայացնելու իր ճյուղային պոտենցիալը, որոնք կարող են գործել ամբողջ միությունում»,- նշեց Սարգսյանը: