News
Լրահոս
News
Երեքշաբթի
Մայիս 18
USD
521.91
EUR
634.43
RUB
7.06
ME-USD
0
Տեսնել լրահոսը

ԵՏՄ-ն բազմապատկել է մեր երկրների ստեղծարար ներուժը, վերացրել է շատ խոչընդոտներ տնտեսական համագործակցության ճանապարհին: Այս մասին, այսօր՝ հոկտեմբերի 6-ին, Հայ-ռուսական միջտարածաշրջանային վեցերորդ եւ Եվրասիական գործընկերության երկրորդ միջազգային համաժողովներին իր ուղերձում նշել է ՀՀ նախագահ Սերժ Սարգսյանը:

Նախագահի մամուլի գրասենյակից NEWS.am-ին հայտնում են, որ նախագահի ուղերձում ասվում է.

«Անկեղծորեն ողջունում եմ «Հայաստանը եւ Ռուսաստանը. գործընկերության բոլոր եզրերը» խորագրով հայ-ռուսական միջտարածաշրջանային վեցերորդ եւ Եվրասիական գործընկերության երկրորդ միջազգային համաժողովների մասնակիցներին եւ հյուրերին:

Այսօր կարելի է վստահորեն ասել, որ համաժողովները դարձել են բովանդակալից, կառուցողական երկխոսության համար արդյունավետ հարթակներ՝ ապացուցելով իրենց պահանջվածությունը:

Համաժողովների պարբերական անցկացումը թույլ է տալիս քննարկել օրակարգային արդիական հարցեր, բացահայտել մեր երկրների համագործակցության հետագա զարգացման ներուժը:

Հայաստանն առաջնահերթ ուշադրություն է հատկացնում Ռուսաստանի հետ բազմաշերտ առեւտրատնտեսական հարաբերությունների զարգացմանը: Մեր երկրների տնտեսությունները սերտորեն փոխկապակցված են: Մենք միասին իրականացնում ենք մասշտաբային նախագծեր առեւտրատնտեսական, գիտատեխնիկական, մշակութային-հումանիտար եւ երկկողմ փոխգործակցության այլ ոլորտներում:

Համագործակցության ընդլայնման գործում ակտիվ դեր են խաղում մեր երկրների տարածաշրջանները, որոնց համար հայ-ռուսական համաժողովը դարձել է տարածաշրջանների տեղական իշխանությունների, գործարար եւ փորձագիտական համայնքների ներկայացուցիչների անմիջական շփման հարթակ: Ուրախալի է, որ հայ-ռուսական միջտարածաշրջանային նախորդ համաժողովների ընթացքում մշակված առաջարկները կյանքի են կոչվում համատեղ նախաձեռնությունների միջոցով:

Անկասկած, ինտեգրացիոն գործընթացները նպաստում են միջտարածաշրջանային համագործակցության զարգացմանը: Առաջին հերթին դա վերաբերում է Եվրասիական տնտեսական միությանը, որի շնորհիվ ապակենտրոնացած փոխգործակցությունը բարձրացել է նոր, ավելի բարձր մակարդակի: Եվրասիական տնտեսական միությունը բազմապատկել է մեր երկրների ստեղծարար ներուժը, վերացրել է շատ խոչընդոտներ փոխշահավետ տնտեսական համագործակցության ճանապարհին: Մեր ինտեգրացիոն միավորման հիմնական խնդիրը նրանում է, որ ողջ նախաձեռնածն ու առաջիկա ծրագրերն իրականացնելը հանգեցնի կյանքի որակի եւ բարեկեցության բարձրացմանը, լինի շոշափելի յուրաքանչյուր քաղաքացու եւ տարածաշրջանի համար:

Հուսով եմ, որ այս համաժողովի ընթացքում կլինի կարծիքների արգասաբեր փոխանակում, որը կհանգեցնի նոր պահանջված գաղափարների ստեղծմանը, որոնք մենք միասին կյանքի կկոչենք՝ ի շահ հայ-ռուսական դաշնակցային հարաբերությունների: Իսկ համաժողովի ընթացքում մշակված խորհրդատվությունները կնպաստեն գործարար կապերի, միջտարածաշրջանային փոխանակումների զարգացմանը, հասարակական, այդ թվում՝ երիտասարդական կազմակերպությունների փոխգործակցության ընդլայնմանը, Եվրասիական տնտեսական միության շրջանակներում հետագա ինտեգրմանը:

Համոզված եմ, որ Եվրասիական գործընկերության երկրորդ միջազգային համաժողովն իր հերթին կնպաստի Եվրասիական տնտեսական միության գործարար եւ ներդրումային լայն հնարավորությունների բացահայտմանն ու նոր փոխշահավետ գործարար նախագծերի իրականացմանը:

Համաժողովների անցկացումը համապատասխանում է եղբայրության եւ բարեկամության ավանդույթներին, որոնցով մեր ժողովուրդների հարաբերություններն ամրացվել են երկար դարերի ընթացքում: Համոզված եմ, որ այս ավանդույթներն այսուհետ եւս կնպաստեն Հայաստանի եւ Ռուսաստանի դաշնակցային ամրապնդմանը:

Մաղթում եմ համաժողովների բոլոր մասնակիցներին եւ հյուրերին արգասաբեր աշխատանք եւ նոր ձեռքբերումներ՝ ի բարօրություն մեր պետությունների եւ ժողովուրդների»:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
«Արդյունաբերությունը ԵԱՏՄ տնտեսական համակարգի շարժիչ ուժերից է». Նիկոլ Փաշինյանի ելույթը՝ Կազանում (ֆոտո)
Ընդլայնված նիստի մասնակիցներն են ԵԱՏՄ անդամ երկրների կառավարությունների ղեկավարները՝ Ռուսաստանի Դաշնության կառավարության նախագահ...
Միշուստինը կոչ է արել համակարգել ԵԱՏՄ շրջանակներում արտահանման կարգավորման միջոցառումները
«Մենք աշխատում ենք դժվար ժամանակներում. համավարակ, տարածաշրջանային ճգնաժամեր, առեւտրային պատերազմներ. այս խնդիրները սրվում են այլ պետությունների ներքին գործերին արեւմուտքի միջամտությամբ...
Ապրիլի 29-30-ը Կազանում տեղի կունենա Եվրասիական միջկառավարական խորհրդի նիստ` դեմ առ դեմ ձեւաչափով
ԵԱՏՄ պետությունների կառավարությունների ղեկավարները կքննարկեն․․․
ԵԱՏՄ-ն Գազի ընդհանուր շուկայի մասին համաձայնագրի նախագիծ է մշակել
Ինչպես նշել է ԵՏՀ Կոլեգիայի ղեկավարը, փաստաթուղթն արդեն ուղարկվել է Միության երկրներ․․․
ՀՀ արտաքին գործերի նախարարը մեկնաբանել է ԵՏՄ նիստին Ադրբեջանին հրավիրելու մասին խոսակցությունները
«Որեւէ կարգավիճակով նշված երկրին հրավիրելու հարցով կոնսենսուս չկա»,-մամուլի ասուլիսի ժամանակ լակոնիկ պատասխանել է նախարարը...
ԵՏՀ-ն ԵՏՄ-ում «կանաչ» էներգետիկայի զարգացման համար ծրագիր է մշակում
Ամենաշատ