News
Լրահոս
News
Չորեքշաբթի
Օգոստոս 15
Տեսնել լրահոսը

Եվրասիական միությունն ամեն տարի ուժեղացնում է իր ազդեցությունը գլոբալ ենթատեքստում։ Երեւանում կայացած ռուս-հայկական վեցերորդ միջազգային համաժողովի ժամանակ այս մասին հայտնել է ՌԴ առեւտրի եւ արդյունաբերության նախարար Դենիս Մանտուրովը։

Նրա խոսքով՝ այսօր կարելի է վստահ ասել, որ ինտեգրացիոն գործընթացները դրական են անդրադառնում ԵՏՄ անդամ երկրների տնտեսությունների վրա։ Դրա հաշվին Միության համընդհանուր ՀՆԱ–ն այս տարվա առաջին կիսամյակում մեծացել է մոտ 2 տոկոսով, արդյունաբերական արտադրանքի աճը կազմել է 2.6 տոկոս, իսկ փոխադարձ եւ արտաքին առեւտուրը մեծացել է ավելի քան մեկ քառորդով։

«Հատկապես կցանկանայի նշել ոչ հումքային արտադրանքի փոխադարձ մատակարարումների ծավալների մեծացումը։ Դեռեւս դա զգույշ միտում է, որի ամրապնդման համար մեզ անհրաժեշտ է համատեղ զարգացնել արդյունաբերական համագործակցությունը բարձր տեխնոլոգիական ոլորտներում։ Առաջին  հերթին դա վերաբերում է ճյուղերին, որտեղ մեր երկրներն ունեն ամենամեծ պոտենցիալը արդյունաբերական գործընկերության զարգացման համար։ Դա, մասնավորապես, մեքենաշինությունն է, գյուղատնտեսական մեքենաների շինարարությունը, շինանյութերի արդյունաբերությունը, էլեկտրական սարքավորումները, մետաղագործությունը, հաստոցները եւ թեթեւ արդյունաբերությունը։ Այս սեկտորներում աշխատող ձեռնարկությունների մթերային եւ տեխնոլոգիական հնարավորությունները միավորելու համար մեր կառավարություններն աշխատում են արդյունաբերական համագործակցության եւ տեխնոլոգիաների տրանսֆերի համար եվևրասիական ցանց ստեղծելու ուղղությամբ։ Այս թվային միջավայրերը, որոնք պիլոտային ռեժիմով կգործարկվեն մինչեւ տարեվերջ, թույլ կտան կարեւոր քայլ կատարել ԵՏՄ–ում ոլորտների հավասարակշիռ համակարգ կառուցելու համար, ինչն էապես կնվազեցնի ավելորդ մրցակցության առաջացման ռիսկը»,– ասել է նախարարը։

Դենիս Մանտուրովը հիշեցրել է, որ առանձին ճյուղերի զարգացման համակարգման եւս մեկ մեխանիզմ է ընդհանուր օգտագործման իրավասությունների կենտրոնների բացումը։ «Իրագործելով այդ առաջադրանքը՝ մեր պետությունները, մասնավորապես, աշխատանք են տանում հաստոցաշինության եւ մետաղագործության համակարգային ինտեգրատորի եվրասիական կենտրոն ձեւավորելու համար։ Նման մոտեցումը, ըստ էության, անցում է ԵՏՄ արդյունաբերության զարգացման նոր մոդելի, որը հիմնված է նորարարությունների եւ գիտական տեխնոլոգիաների վրա»,– ասել է Մանտուրովը։

Մեր երկրների արդյունաբերության զարգացման ռազմավարական ուղղությունը պետք է լինի կողմնորոշումը դեպի արտաքին սպառողը: Այս նպատակով անհրաժեշտ է կարճ ժամանակում վերազգային ենթակառուցվածք ստեղծել միջազգային շուկաներում կոոպերատիվ արտադրանքի առաջմղման համար: Արտահանողներին աջակցելու ֆինանսական գործիքների լայն հավաքածու ստեղծելուց բացի, մենք պետք է համաձայնեցված ընթանանք երրորդ երկրների հետ ազատ առեւտրի գոտիների ստեղծման ճանապարհով: Ինչպես գիտեք, այդպիսի ռեժիմ ունենք արդեն Վիետնամի հետ եւ այժմ ակտիվ բանակցություններ են վարվում մի շարք այլ երկրների հետ եւս համանման համաձայնագրերի իրականացման համար, մասնավորապես՝ Հնդկաստանի, Սինգապուրի եւ Սերբիայի:

Ինչ վերաբերում է նեքին պահանջարկի պահուստներին, ապա անհրաժեշտ է համատեղ աշխատանքը շարունակել արդյունաբերական արտադրանքի ապօրինի շրջանառության դեմ պայքարի գործում: Կեղծ եւ մաքսանենգ ապրանքի ծավալները, ինչպես նախկինում, միլիարդավոր դոլար են կազմում՝ էապես սահմանափակելով մեր երկրների բարեխիղճ բիզնեսի զարգացման հնարավորությունները: Այս խնդրի համակարգային լուծում ենք համարում Միության տարածքում արտադրված կամ ներմուծված ապրանքների մակնշումը: Մորթյա արտադրանքի վերաբերյալ այսպիսի առաջին փորձնական ծրագիրը մեր երկրներն արդեն հաջողությամբ իրականացում են: Այս փորձը նաեւ այլ ապրանքախմբերի վրա տարածելու համար ԵՏՀ Խորհուրդը պատրաստել եւ հավանություն է տվել համապատասխան համաձայնագրի նախագծին: Հույս ունենք, որ բոլոր երկրների կողմից ստորագրվելուց հետո կկարողանանք ԵՏՄ սահմաններում օպերատիվորեն սկսել ապրանքների թափանցիկ հսկողության ներդրումը:

Ինտեգրացիոն օրակարգի հարցերի ամբողջ սպեկտրով մեր երկրների միայն համակարգված գործողությունները թույլ կտան համաչափ առաջ մղել Միության երկրների արդյունաբերությունը: Համոզված եմ, որ համագործակցության մեր ընտրած տեմպը վերջնարդյունքում կբերի ԵՏՄ-ում ազգային չեմպիոնների ի հայտ գալուն, որոնք ընդունակ կլինեն գլոբալ շուկաներում դուրս մղել համաշխարհային տեխնոլոգիական առաջնորդներին»,- հայտարարել է Մանտուրովը:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Ղրղզստանը ԵՏՄ անդամակցության պատճառով ստվերային տնտեսության հատվածի աճի մտավախություն ունի
Շուկայի կոնյունկտուրայի փոփոխության հետ կապված գոյություն ունի ձեռնարկատերերի դեպի ստվերային հատված հեռանալու խնդիր…
ԵՏՀ-ն ԱՄՆ-ի ներկրման մաքսատուրքերին պատասխան կպատրաստի
Բացի այդ, ռուսաստանյան մետաղագործները գլանվածքների ներմուծման հետագա աճի վտանգը տեսնում են ԱՄՆ-ում պողպատե ներմուծման 25..
Պուտինը հավանություն է տվել ԵՏՄ-ում ապրանքների մակնշման մասին համաձայնագրին
Վավերացնել Եվրասիական տնտեսական միությունում նույնականացման միջոցներով ապրանքների մակնշման մասին համաձայնագիրը…
Հայաստանը շատ քիչ է օգտագործում ԵՏՄ հնարավորությունները. Վազգեն Սաֆարյան
Սրանք բարդություններ են, որոնք չեն համապատասխանում ԵՏՄ գաղափարախոսությանը…
ԵՏՄ-ում մեքենաների կամայական վերափոխման վերահսկողությունը խստացնում են
ՌԴ Դաշնության խորհուրդը վավերացրել է ԵՏՄ-ում ապրանքների մակնշման մասին համաձայնագիրը
Համաձայնագրի գործողությունը տարածվելու է իրավաբանական անձանց ու անհատ ձեռներեցների վրա, որոնք իրականացնում են այնպիսի ապրանքների արտադրություն կամ շրջանառություն, որոնց վերաբերյալ կա մակնշում ներդնելու որոշում․․․
Partner news