News
Լրահոս
News
Չորեքշաբթի
Սեպտեմբեր 26
Տեսնել լրահոսը

Նոյեմբերի 5-ին նախանշված ՏԻՄ ընտրություններին մասնակցելու հարցով խորհրդարանական ուժերից միայն Հանրապետական խմբակցությունն է հստակ որոշում կայացրել։ «Ծառուկյան» կուսակցությունների դաշինքը եւ ընդդիմադիր «Ելք»-ը դեռեւս պետք է քննարկեն՝ ինչ մակարդակով են մասնակցություն ունենալու։

NEWS.am-ի տեղեկություններով՝ ԲՀԿ-ն երկու քաղաքի կապակցությամբ արդեն հստակ դիրքորորոշում ունի՝ չմասնակցելու մասով, սակայն դեռ չի հայտարարում։ Խոսքն Արարատի մարզի Արարատ եւ Արտաշատ քաղաքների մասին է, որտեղ արդեն Հանրապետական կուսակցությունը թեկնածուներ է առաջադրել։ Արարատի ընտրություններով կզբաղվի ՀՀԿ Արարատի տարածքային կառույցի ղեկավար, պատգամավոր Ալիկ Սարգսյանը, իսկ Արտաշատի ընտրություններով՝ պատգամավոր Արայիկ Գրիգորյանը՝ Ավշարի Արայիկը։ Բնականաբար, վերջինի եղբայրը՝ մարզպետ Արամայիս Գրիգորյանն էլ մարզպետի լծակներով իր ներդրումը կունենա հօգուտ ՀՀԿ-ի։ Իսկ նախկին վարչապետ Հովիկ Աբրահամյանը, որն Արարատի մարզում իրեն հեղինակություն էր համարում, ՀՀԿ-ի դեմ ընտրապայքարի մեջ չի մտնի։

Աբրահամյանների մեկուսացումը ՀՀԿ կուլիսներում մեկնաբանում են Հովիկ Աբրահամյանի նկրտումներով։ Լուրեր կան, որ նա, 2018 թվականի փոփոխություններով պայմանավորված, իշխանության վերադառնալու հույսեր ունի։

Ինչ վերաբերում է ընդդիմադիր «Ելք»-ին, ապա այստեղ երկմտելու պատճառ է դարձել մրցունակ թեկնածուների բացակայությունը։ Արտաշատում ընտրություններին չեն մասնակցի, իսկ Արարատում, հնարավոր է, քննարկեն Արամ Սարգսյանի գլխավորած «Հանրապետություն» կուսակցությունից թեկնածու առաջադրելու հարցը։ Այստեղ կփորձեն հիմնվել Արամ Սարգսյանի հեղինակության վրա: Թե որքանով այն մրցունակ կլինի Գրիգորյանների՝ ձայներ հավաքելու հայտնի մեթոդների պարագայում, խմբակցությունը վերջնական եզրակացություն կանի շաբաթ կայանալիք նիստում։

Նշենք, որ Արարատում առաջադրվել են գործող քաղաքապետ, ՀՀԿ-ական Հայկ Հայկյանը եւ անկուսակցական Արտյոմ Պողոսյանը։ Վերջինն ինքնառաջադրվել է։ Արտաշատում առաջադրվել է Արտաշատի ավագանու անդամ, «Էյ-Ի-Ջի» Արտաշատի ԳՀՏՍ ծառայության պետ Կարեն Բենիամինյանը։

Տպել
Կարդացեք նաև
Ամբողջը
«Ժողովուրդ». Մարտի 1-ի պատասխանատուներից մեկը վերադարձել է. ի՞նչ է սպասվում նրան
Հատկանշական է փաստը, որ թավշյա հեղափոխությունից հետո...
«Փաստ». Արտահերթ ընտրություններից հետո Փաշինյանը կգնա զգալի կադրային տեղաշարժերի. Ի՞նչ է սպասվում
Նախ, որպեսզի խուսափի թիմի ներսում դժգոհություններից ու բողոքավորների ի հայտ գալուց...
«Ժամանակ». «Մուտիտ» ԵԿՄ-ում՝ «իշխանությունների կոշիկի թայը եղած» մարդկանց կողմից
Այնտեղ կային մարդիկ, ովքեր ժամանակին եղել են նախկին իշխանությունների կոշիկի թայը...
«Հրապարակ». ԲՀԿ-ի համար ընտրությունների արդյունքները անսպասելի են եղել, Նաիրա Զոհրաբյանի «սիրտը չի դիմացել»
«Լույս» դաշինքում գոհ են իրենց ցուցանիշից, նրանք համեմատվում են ԲՀԿ-ի հետ, եւ չի բացառվում, որ ապագայում քննարկեն կառավարությունից իրենց նախարարների դուրս գալու եւ իշխանություններին այլընտրանք դառնալու հարցը…
Րաֆֆի Հովհաննիսյանը հեռանո՞ւմ է. խորհրդարանական ընտրությունները վերջինը կլինեն նրա համար
Երեւանի ավագանու ընտրությունների փորձը դարբնոց էր, որը բերեց նոր մասնագետների…
«Ժողովուրդ». Նախարարը բուհերը լցնում է ՔՊ-ականներով. ով ում կփոխարինի
Բայց արի ու տես, որ բուհերի կառավարման խորհուրդները շարունակում են մնալ կուսակցականացված...
Partner news