Ֆլորիդայում իրականացրել են մահապատժի ենթարկված բանտարկյալի դատավճիռը, որը 1983 թվականին մեղավոր էր ճանաչվել երկու մարդու սպանության մեջ: Նրան մահապատժի են ենթարկել հոկտեմբերի 5-ին, հայտնում է Americaru-ն:
Հաղորդվում է, որ 57-ամյա Մայքլ Լամբրիքսը մահացել է մահաբեր ներարկումից ժամը 10:10 րոպեին Ֆլորիդայի նահանգի բանտում: Նրա վերջին խոսքը աղոթքն է եղել: Մահը վրա է հասել ներարկումից 5 րոպե հետո:
Լամբրիքսն այս նահանգում օգոստոսին մահապատիժը վերականգնելուց հետո այդ պատժաչափին ենթարկված երկրորդ բանտարկյալն էր։ Մինչ այդ դատավճիռների իրականացումը դադարեցվել էր, քանի որ այդ մեթոդը հակասահմանադրական էր ճանաչվել: Դրան ի պատասխան՝ նահանգի օրենսդրական ժողովը նոր օրենք է ընդունել, որը պահանջում է մահապատժի դատավճիռը կայացնել երդվյալ ատենակալների միաձայն որոշմամբ։
Ֆլորիդայի դատարանը վճռել է, որ Լամբրիքսի գործը չափազանց հին էր վերանայման համար, ուստի բողոքարկումը մերժվել է։
