News
Լրահոս
News
Երեքշաբթի
Մարտ 21
USD
388.35
EUR
418.21
RUB
5.05
Տեսնել լրահոսը

Պետական հատուկ ծառայություն իրականացնող պաշտոնատար անձանց կողմից պաշտոնեական դիրքը չարաշահելու փաստով ՀՀ հատուկ քննչական ծառայությունում քննված քրեական գործի նախաքննությամբ պարզվել է, որ ՀՀ ոստիկանության Սյունիքի մարզային վարչության Սիսիանի բաժնի տեսուչը, հետաքննության գծով ավագ տեսուչը, ինչպես նաեւ նույն բաժնի քրեական հետախուզության բաժանմունքի պետը պաշտոնեական դիրքն օգտագործել են ծառայության շահերին հակառակ, որի պատճառով ոստիկանությունում չի հաշվառվել առերեւույթ ծանր հանցագործության` բռնաբարության դեպքը, ըստ այդմ` գործով վարույթ չի իրականցվել եւ չի ապահովվել անհրաժեշտ քննություն, որի հետեւանքով էական վնաս է պատճառվել անչափահաս Լ. Մ.-ի իրավունքներին ու օրինական շահերին:

Այսպես, 04.01.2017թ.-ին ՀՀ ոստիկանության Սիսիանի բաժնում ահազանգ է ստացվել, որ «ալկոհոլային ինտոքսիկացիա» ախտորոշմամբ Սիսիանի բժշկական կենտրոն տեղափոխված անչափահաս Լ. Մ.-ի հագուստի վրա հայտնաբերվել են արնանման հետքեր: Հիշյալ ահազանգը ստանալուց հետո բաժնի հերթապահ մասի տեսուչ Վլադիմիր Սաֆրազյանն ամբողջությամբ չի գրանցել ստացված ահազանգը` թաքցնելով անչափահասի հագուստի վրա արնանման հետքերի առկայության հանգամանքը: Այնուհետեւ օպերատիվ խմբի հետ բժշկական կենտրոն է այցելել ոստիկանության Սիսիանի բաժնի քրեական հետախուզության բաժանմունքի պետ Մանասեր Ստեփանյանը, ապա նաեւ` հետաքննության գծով ավագ տեսուչ Ռազմիկ Հակոբյանը: Սակայն հետաքննության մարմնի նշված աշխատակիցները, այդ թվում բաժանմունքի պետը, իրենց կողմից սպասարկվող վարչական տարածքում ծանր հանցագործության՝ բռնաբարության չբացահայտված դեպքով բացասական ցուցանիշ չունենալու անձնական շահագրգռվածությունից եւ խմբային շահերից ելնելով, ոստիկանության համապատասխան մատյաններում ամբողջությամբ չեն գրանցել ստացված ահազանգի բովանդակությունը՝ թաքցրել են անչափահասի հագուստների վրա արնանման հետքերի առկայության հանգամանքը, միջոցներ չեն ձեռնարկել առերեւույթ հանցագործության դեպքի հանգամանքները պարզելու եւ այն կատարած անձին բացահայտելու ուղղությամբ: Ավելին, արնանման հետքերի առկայության հանգամանքը Սիսիանի բաժնի երկու տեսուչները թաքցրել եւ չեն ներառել դեպքի վերաբերյալ ոստիկանության Սիսիանի բաժնի պետին հասցեագրված զեկուցագրերում:

Մ. Ստեփանյանի, Վ. Սաֆրազյանի եւ Ռ. Հակոբյանի վերը նշված գործողությունների հետեւանքով էական վնաս է պատճառվել պետության օրինական շահերին. հեղինակազրկվել է պետական իշխանության մարմինը՝ ՀՀ ոստիկանությունը, իսկ առերեւույթ ծանր հանցագործության՝ բռնաբարության դեպքը չի հաշվառվել եւ գործով վարույթ չի իրականացվել: Արդյունքում չի ապահովվել նաեւ գործի արդարացի քննության սկզբունքը, որի հետեւանքով էական վնաս է պատճառվել անչափահաս Լ. Մ.-ի իրավունքներին ու օրինական շահերին:

Այսպիսով, վերը նշված արարքների կատարման համար ՀՀ ոստիկանության Սիսիանի բաժնի քրեական հետախուզության բաժանմունքի պետ Մանասեր Ստեփանյանին, նույն բաժնի տեսուչ Վլադիմիր Սաֆրազյանին եւ ավագ տեսուչ Ռազմիկ Հակոբյանին մեղադրանքներ են առաջադրվել ՀՀ քրեական օրենսգրքի 308-րդ հոդվածի 1-ին մասով:

Քրեական գործի նախաքննությունն ավարտվել է: Գործը մեղադրական եզրակացությամբ հանձնվել է դատավարական հսկողություն իրականացնող դատախազին` այն հաստատելու եւ դատարան ուղարկելու համար:

Տպել
Կարդացեք նաև
Ամբողջը
Տիգրանաշենի ոլորաններում բեռնատարն ընկել է ձորը
Մարտի 21-ին, ժամը 16:39-ին Ճգնաժամային կառավարման ազգային կենտրոն...
Թաիրովում կահույքի խանութ-սրահի մոտ դանակահարել էր մի երիտասարդի. Դանակահարողը ներկայացավ ոստիկանություն
Վաղարշապատի քրեական հետախույզների ձեռնարկած օպերատիվ-հետախուզական միջոցառումների...
2022-ին մարդկանց թրաֆիքինգի հատկանիշներով 8 քրվարույթ է եղել. 3-ը վերաբերել է աշխատանքային,  5-ը՝ սեռական շահագործմանը
Մարդկանց թրաֆիքինգի կամ շահագործման դեմ պայքարի ուղղությամբ 2022 թ. կատարված աշխատանքների արդյունքները...
Սյունիքում ՊՆ զինծառայողի հետ կապը կորել է
Առայժմ հստակ չէ՝ արդյո՞ք զինծառայողը մոլորվե՞լ է, թե՞ գերի է ընկել...
Խուլիգանություն Նոյեմբերյանի բենզալցակայաններից մեկում. հայհոյել է ու փորձել է պայթեցնել իր մոտ եղած նռնակը
Մարտի 18-ի երեկոյան ոստիկանության Նոյեմբերյանի բաժնի քրեական...
Վրաերթի ենթարկված տղամարդը հիվանդանոցում մահացել է
Մարտի 19-ին, ժամը 20.00-ին, Երևանի Գուրգեն Մահարու փողոցում «Օպել» մակնիշի...
Ամենաշատ
Ֆոտոռեպորտաժներ