ԱՄՆ Զինված ուժերը Կատարի շուրջ ընթացող դիվանագիտական ճգնաժամի պատճառով Պարսից ծոցի երկրների հետ որոշ զորավարժությունների չեղարկման մասին է հայտարարել, հաղորդում է «Ամերիկայի ձայնը»-ը:
ԱՄՆ Կենտրոնական հրամանատարությունը ուրբաթ Associated Press-ին հայտարարել է. «Մենք հրաժարվեցինք մասնակցել որոշ զորավարժություններին` հաշվի առնելով համընդհանուր տարածաշրջանային շահերը»:
Կենտրոնական հրամանատարության պաշտոնական ներկայացուցիչ, գնդապետ Ջոն Թոմասը ավելացրել է. «Մենք կշարունակենք կոչ անել մեր գործընկերներին միասնական աշխատել համընդհանուր լուծումների որոնման համար, որոնք կնպաստեն տարածաշրջանի կայունությանը եւ անվտանգությանը»:
