Միացյալ Նահանգները Կուբայի դեմ պատժամիջոցները չի վերացնի, քանի դեռ «Կուբայի ռեժիմը լիակատար քաղաքական ազատություն չի ապահովել Կուբայի ժողովրդի համար»: Այս մասին հայտարարել է ԱՄՆ նախագահ Դոնալդ Թրամփը `ելույթ ունենալով Սպիտակ տանը Իսպանական ժառանգության ամիս միջոցառման ժամանակ:
Նրա խոսքով՝ Միացյալ Նահանգները հուսով են, որ արեւմտյան կիսագնդում, այդ թվում Կուբայում եւ Վենեսուելայում, ազատություն կլինի:
«Ինչպես ասացի, մենք պատժամիջոցները չենք վերացնի, քանի դեռ Կուբայի ռեժիմը լիակատար քաղաքական ազատություն չի ապահովել Կուբայի ժողովրդի համար: Ձախողված կոմունիստական գաղափարախոսությունը, որը հանգեցրել է Կուբայի քայքայմանը, ամենուր միայն տառապանքներ է առաջացրել, աշխարհի ցանկացած տեղ, որտեղ եղել է»: «Կոմունիզմն անցյալում է, ազատությունը ապագան է», - ասել է Թրամփը:
Նա նաեւ քննադատել է Վենեսուելայի իշխանություններին: «Մենք նաեւ աջակցում ենք Վենեսուելայի ժողովրդին, որը տառապում է Մադուրոյի անխիղճ սոցիալիզմի ռեժիմից», - ասել է Թրամփը:
