Մյուս տարի բյուջեում սոցիալական ոլորտում ոչ մի կրճատում չի կատարվի: Հոկտեմբերի 7-ին լրագրողների հետ հանդիպման ժամանակ այս մասին ասաց ԱԺ-ին առընթեր Ֆինանսավարկային եւ բյուջետային հարցերով մշտական խորհրդի նախագահ Գագիկ Մինասյանը:
Դրա հետ մեկտեղ նա նշեց, որ մի քանի ոլորտներում ֆինանսավորման որոշ կրճատում է կատարվել:
«Սակայն կան ոլորտներ, որտեղ ծառայություններն ավելի ցածր գներով են մատուցվում: Մասնավորապես դա առողջապահության ոլորտն է: Խոսքը սրտի վիրահատությունների մասին է»,- պարզաբանեց Մինասյանը:
Նա նաեւ հայտնեց, որ առաջիկա տարում թոշակների բարձրացում չի նախատեսվում:
Եզրափակելով Գագիկ Մինասյանը նշեց, որ փորձ է կատարվել բյուջեի պակասուրդը ֆինանսավորել ներքին աղբյուրների հաշվին:
