Տավուշի մարզի Կողբ գյուղի 39-ամյա բնակիչը ինքնասպանության փորձ է կատարել: NEWS.am-ի հետ զրույցում Կողբի գյուղապետարանից տեղեկացրին, որ ըստ տարածված լուրերի, տղամարդն այսօր դանակով հարվածել է իրեն, որից հետո տեղափոխվել է Նոյեմբերյանի հիվանդանոց:
Հիվանդանոցի Վերակենդանացման բաժանմունքից էլ մեզ տեղեկացրին, որ իրենց մոտ տեղափոխված 39-ամյա տղամարդու վիճակը բավարար է, նա ձախ կրծքավանդակի շրջանում ունի քերծվածքներ, ներքին օրգանների վնասում չկա:
