News
Լրահոս
News
Կիրակի
Դեկտեմբեր 17
Տեսնել լրահոսը


Երեւանում այսօր հանդիսավորապես բացվեց «Ռուսաստանի հայերի միության» նախագահ Արա Աբրահամյանի ֆինանսավորմամբ կառուցված ռուսական եկեղեցին։ «Սուրբ Խաչվերացի» անունը կրող ռուսական նորակառույց ուղղափառ եկեղեցու օծման արարողությանը մասնակցում էր նաեւ Ամենայն հայոց կաթողիկոս Գարեգին երկրորդը: Քաղաքական վերնախավի ներկայացուցիչներ չկային, հաղորդում է «Ազատություն» ռադիոկայանը:

Արարողությանը ներկա Արա Աբրահամյանը, որը նաեւ «Համաշխարհային հայկական կոնգրես» կազմակերպության նախագահն է, լրագրողների հետ զրույցում ասաց, թե մեծ ուրախությամբ է կառուցել եկեղեցին, այն խորհրդանշում է հայ-ռուսական դարավոր բարեկամությունը։ «Իմ միջոցներով եմ, իհարկե, կառուցել: Ոչ մեկը ոչ մի ռուբլի չի տվել, 100 տոկոս: Մեծ ուրախությամբ սա ես պետք ա նվիրեմ ռուս ուղղափառ եկեղեցուն, բարեկամության համար»,- ասաց Աբրահամյանը, հավելելով՝ մենք կարող ենք ոչ միայն մեր, այլեւ բարեկամ ժողովրդի եկեղեցիները կառուցել:

ՌՀՄ նախագահը խոսեց նաեւ Սփյուռքի, հայոց լեզվի ու հայկական մշակույթի պահպանման կարեւորության մասին, միեւնույն ժամանակ պնդելով՝ ռուսական եկեղեցի կառուցելով, ինքը հենց հայապահպանության խնդիր է լուծում: «Ես երջանիկ եմ, որ կառուցել եմ ռուս եկեղեցի, ուրախությանս չափ չկա: Սա իմ առաջին եկեղեցին չի: Ռուսաստանում 3 միլիոնից ավելի հայեր կան, մենք կառուցել են 100 եկեղեցուց ավել, էդ մարդիկ եւ՛ հող են տալիս, եւ՛ հարկերից հանում են, եւ՛ միջոցներ են ստեղծում, որ մենք դա կառուցենք, որ մենք մեր հայ ինքնությունը, մեր մշակույթը պահպանենք: Այ սա՛ հայապահպանության համար ա արվում»,- շեշտեց Աբրահամյանը:

Հայաստանի խորհրդարանական ընտրություններից առաջ ռուսաստանաբնակ մեծահարուստ գործարարը կուսակցություն հիմնելու եւ ընտրություններին մասնակցելու ցանկություն էր հայտնել: Խոսքը, սակայն, գործի չվերածվեց։ Աբրահամյանն այսօր դա այսպես պատճառաբանեց՝ քաղաքականությամբ առայժմ չի զբաղվում «առողջական խնդիրների հետ կապված»:

Արա Աբրահամյանը Հայաստանում է ոչ միայն իր ֆինանսավորմամբ կառուցված ռուսական եկեղեցու բացմանը մասնակցելու համար: Նախօրեին Երեւանում կայացավ նրա կազմակերպած բիզնես ֆորումը: ՌՀՄ նախագահն այսօր նեղսրտեց՝ ֆորումին հայ հայտնի գործարարներ չէին ներկայացել, ինչը, ըստ նրա, այն իրողության վկայությունն է, որ «շատերը կորցրել են հավատը երկրի նկատմամբ»։

Աբրահամյանը Երեւանում հանդիպումներ է ունեցել նախագահ Սերժ Սարգսյանի, վարչապետ Կարեն Կարապետյանի, մի շարք նախարարների հետ։ Լրագրողների հարցին՝ ռուսաստանաբնակ հայերը 2018 թ․ ապրիլից հետո ու՞մ կցանկանային տեսնել որպես Հայաստանի ղեկավար, «Ռուսաստանի հայերի միության» նախագահը պատասխանեց․ «Մենք ցանկանում ենք նրանց, ում հայ ժողովուրդը ընտրել եւ նշանակել ա: Մենք իրավունք չունենք, այլ երկրի քաղաքացի ենք, մենք չենք կարող այնտեղից թելադրել, թե այստեղ ում նշանակեն եւ գնահատենք իրենց աշխատանքը»:

Տպել
Կարդացեք նաև
Ամբողջ
Սերժ Սարգսյանը ստորագրել է Ռուսաստանից պետական արտահանման վարկ ստանալու օրենքը
Օրենքներն ավելի վաղ ընդունվել էին Ազգային ժողովի կողմից....
«168 ժամ». Հայաստանում հակառուսականության համար կան պատճառներ
Ռուսաստանը ժամանակի ընթացքում փորձում է լուծել, բայց քաղաքականությունը բարդ արվեստ է...
Ռուս սահմանապահները Թուրքիայի հետ Հայաստանի սահմանին կարդիականացնեն ինժեներական կառույցները
Նաեւ հնացած սարքավորումների վերանորոգում եւ ժամանակակից անվտանգության համակարգերի տեղադրում...
Ժամանակ». «Օկուպացիա». ՌԴ սահմանապահները թույլ չեն տվել վերանորոգել Մեղրիի ճանապարհներից մեկը
Սակայն այս շինաշխատանքները անհնարին են դարձել, քանի որ...
ՀՀ ԱԻՆ փրկարարական գույքը համալրվեց գերժամանակակից եւ եզակի տեխնիկայով
«Струна-2» համալիրը գերժամանակակից համակարգ է, որը հնարավորություն է տալիս ստուգել շենք-շինությունների ամրությունը եւ նախապես գնահատել երկրաշարժերի ռիսկերը...
2015-ի անկումից հետո Հայաստանի եւ Ռուսաստանի միջեւ ապրանքաշրջանառությունը զգալի աճ է ունեցել. առեւտրի ներկայացուցիչ
2 երկրների միջեւ արտաքին առեւտրի ծավալը 2015-ի հունվար-դեկտեմբերին կազմել է 989,7 մլն դոլար, իսկ 2017-ի նույն ժամանակահատվածում հասել է 1,336 մլրդ դոլարի…
Ամենաշատ
Ֆոտոռեպորտաժներ
Partner news