Հյուսիսային Կորեայի դեպքում միայն մի բան կարող է օգնել։ Այս մասին Twitter-ի իր միկրոբլոգում գրել է ԱՄՆ նախագահ Դոնալդ Թրամփը, հաղորդում է CNN-ը։
«Փհենյանի հետ բանակցությունների 25 տարին չեն աշխատել, իսկ ԱՄՆ կողմից բանակցողները հիմար վիճակի մեջ են հայտնվել»,-գրել է նա։
«Կնքվել են համաձայնագրեր, ծախսվել են հսկայական փողեր, բայց դեռ չի հասցրել այդ փաստաթղթերի վրայի թանաքը չորանալ, երբ դրանք խախտվել են։ Շատ ցավալի է, բայց այս դեպքում միայն մեկ բան կարող է օգնել»,-գրել է Թրամփը
Լրագրողների հարցին, թե ի՞նչ նկատի ունի, Թրամփը պաստապանել է. «Կիմանաք եւ շատ շուտ»։
Թրամփն արձագանքել է նաեւ ՄԱԿ-ի Գլխավոր ասամբլեայի նստաշրջանում Հյուսիսային Կորեայի ԱԳ նախարարի խոսքին. «Եթե նա կրկնում է փոքր մարդ-հրթիռի խոսքերը, դա երկար տեւել չի կարող»։
«Մենք չենք կարող այդ բռնապետությանը թույլ տալ, որ սպառնա մեր երկրին կամ մեր դաշնակիցներին։ Մենք կանենք այն, ինչ պետք է անենք, որ դա տեղի չունենա։ Անհրաժեշտության դեպքում դա կարվի, հավատացեք ինձ»,-հավելել է Թրամփը բարձրաստիճան զինվորականների հետ հանդիպման ժամանակ։
