Ամստերդամցի 20-ամյա ուսանողուհի Նոա Յանսման Instagram–ում նախագիծ է ձեռնարկել, որի շրջանակում լուսանկարվել է փողոցում իր հասցեին անպարկեշտ կատակներ, սեքսիստական ռեպլիկներ բաց թողնող տղամարդկանց հետ, հայտնում է Sputnik–ը։
Ոտնձգություններն անտեսելու փոխարեն, աղջիկը տղամարդկանց խնդրում էր իր հետ սելֆի անել։ Այդ լուսանկարները մակագրելիս աղջիկը գրել էր, թե կոնկրետ ինչ են ասել այդ տղամարդիկ իր հասցեին։
Աղջիկն իր նախագծերով փորձել է ուշադրություն հրավիրել կանանց օբյեկտիվացման խնդրի վրա։