ՀՀ նախագահ Սերժ Սարգսյանը շնորհավորական հեռագիր է հղել Ռուսաստանի գիտությունների ակադեմիայի իսկական անդամ Աբել Աղանբեկյանին՝ ծննդյան 85-ամյակի առթիվ:
ՀՀ նախագահի մամուլի գրասենյակից NEWS.am-ին հայտնում են, որ ուղերձում, մասնավորապես, ասված է.
«Հարգելի՛ Աբել Աղանբեկյան,
Սրտանց շնորհավորում եմ Ձեզ 85-ամյա հոբելյանի առթիվ:
Ձեր հսկայական մասնագիտական փորձով, գիտնականի եւ ղեկավարի վառ տաղանդով, անառարկելի հեղինակությամբ, երկարամյա գիտական, մանկավարժական եւ քաղաքական գործունեությամբ Դուք անգնահատելի ներդրում եք ունեցել տնտեսագիտության զարգացման մեջ:
Հայաստանում եւ Արցախում հպարտանում են Ձեր հաջողություններով եւ ձեռքբերումներով:
Սրտանց մաղթում եմ Ձեզ, հարգելի՛ պարոն Աղանբեկյան, քաջառողջություն եւ բարեկեցություն»: