Ոստիկանությունը նոր տեսանյութ է հրապարակել Նորագավիթում տեղի ունեցած սպանության մասին: Նշենք, որ հոկտեմբերի 3-ին, ժամը 20.35-ին ոստիկանության Շենգավիթի բաժին աահզանգ է ստացվել «Էրեբունի» ԲԿ-ից. Հրազենային վնասվածքով իրենց մոտ բուժօգնության է տեղափոխվել մի տղամարդ, որովայնի շրջանում վնասվածը կյանքին վնա սպառնացող էր: Նա գիտակցություն չի ունեցել եւ հաջորդը օը մահացել է:
Իրավապահները պարզել են, որ մարդիկ տուժողին օգնության են հասել ձայներ լսելով, նրանք որեւէ այլ անձի չեն տեսել:
Դեպքի հաջորդ օրը առանձնապես ծանր հանցագործություն կատարելու կասկածանքով իրավապահները բերման են ենթարկել 46-ամյա Գարեգին Հ.-ին: Նրան հայտնաբերել են տանը: Նրա մեքենայից հայտնաբերվել է հրազենի պարկուճ: Նա ներկայացրել է ՏՏ տեսակի ատրճանակ:
Գարեգին Հ.-ն կալանավորվել է:
Ավելի վաղ NEWS.am-ը հայտնել էր, որ Երեւանի Շենգավիթ վարչական շրջանում հոկտեմբերի 3-ի երեկոյան կրակոցներ են հնչել: Դեպքը տեղի է ունեցել Նորագավիթի 8-րդ փողոցում: Կրակել են 48-ամյա տղամարդու վրա, որը մարմնի տարբեր մասերում հրազենյաին վնասվածքներ է ստացել եւ տեղափոխվել հիվանդանոց, որտեղ մահացել է:
Մահացածը Սամվել Ավագյանն է, ով իրենց բակում նստած է եղել, երբ մեքենայով մոտեցել են անհայտ անձինք եւ կրակել նրա վրա: Իրավապահները դեռ չեն հայտնաբերել կրակողներին:
Սամվել Ավագյանը նախկինում երկու անգամ դատապարտված է եղել: Ուշագրավ է, որ նա դուրս է եկել տան բակ՝ դիմավորելու որդուն, որը եկել էր Ռուսաստանից իրեն տեսակցելու: Մինչ որդու ժամանելը նրա վրա կրակել են, եւ նա չի հասցրել տեսնել որդուն:
Նշենք, որ Սամվել Ավագյանն ամուսնացած էր, ունի երեխաներ: