Ֆրանսիայի նախագահ Էմանուել Մակրոնը եւ նրա կին Բրիջիթ Մակրոնն այցելել են Փարիզում անցկացվող «Պիկասո, 1932. Էրոտիկ տարի» ցուցահանդեսը, հաղորդում է Associated Press-ը։

Ցուցահանդեսը նվիրված է Պաբլո Պիկասոյի կյանքի եւ կարիերայի առանցքային տարիներից մեկին։

Մակրոն ամուսինները 2.5 ժամ դիտել են ցուցահանդեսը։ Ներկաների թվում եղել են նաեւ նկարչի ընտանիքի անդամները, այդ թվում՝  նրա դուստր Մայա Վիդմայեր Պիկասոն։

Նախագահի խոսքով՝ Պիկասոյի նկարներում իրեն դուր է գալիս «մեծ զգացմունքայնությունը» եւ «քաղաքական միտքը», հատկապես Երկրորդ համաշխարհային պատերազմի նախօրյակին։