Microsoft–ի գործադիր տնօրեն Ջո Բելֆիորը հայտարարել է, որ ընկերությունը Windows 10 Mobile–ի համար նոր սարքեր եւ թարմացումներ չի ստեղծի։ Այս մասին նա գրել է Twitter–ում, փոխանցում է Lenta–ն։
«Իհարկե, մենք կշարունակենք աջակցել այդ հարթակին։ Կուղղենք սխալները եւ անվտանգության թարմացված համակարգեր կթողարկենք»,– ասել է Բելֆիորը։ Սակայն նոր գործառույթների եւ սարքավորումների արտադրություն չենք պլանավորում։
Նա նաեւ նշել է, որ ընկերությունը փորձել է հավելվածներ մշակողների ներգրավել։ «Մենք նրանց գումար էինք վճարում, հավելվածը մենք էինք մշակում նրանց փոխարեն»։ Սակայն օգտատերերի քիչ քանակը հանգեցրել է նրան, որ շատ ընկերություններ հրաժարվեցին այդ հարթակում ներդրումներից։