News
Լրահոս
News
Երեքշաբթի
Մարտ 19
Տեսնել լրահոսը

Համագործակցությունը Հայաստանի տարածքում անցկացվող զորավարժությունների շրջանակում բարձր մակարդակի վրա է գտնվում։ Օպերատիվ արձագանքման  հավաքական ուժերի «Փոխգործակցություն 2017» զորավարժությունների բացման ժամանակ՝ լրագրողների հետ զրույցում, այս մասին հայտնել է ՕԱՀՈՒ գլխավոր քարտուղար Յուրի Խաչատուրուվը։

«Սա լուրջ, պլանավորված զորավարժություն է «Մարտական եղբայրություն 2017» ընդհանուր անվան ներքո։ Այն սկսվել է Դոնի Ռոստովում, այնուհետեւ շարունակվել Հայաստանում։ Այժմ անցկացվում է զորավարժությունների երկրորդ փուլը»,-նշել է Խաչատուրուվը։

Զորավարժությունների սցենարով ՕԱՀՈՒ պետություններից մեկի տարածքում ահաբեկիչներ են մտել, եւ հոկտեմբերի 13-ին նրանք կոչնչացվեն։ «Մեր շտաբները կառավարման մեծ փորձ ձեռք կբերեն։ Զորավարժություններն անցկացվում են Հարավային ռազմական օկրուգի հրամանատարի ղեկավարությամբ»,-նշել է Խաչատուրովը՝ հավելելով, որ ղեկավարումն իրականացնում է ՀՌՕ ներքո, քանի որ հնարավոր է ոչնչացման այնպիսի միջոցների կիրառում, որոնք կան միայն Ռուսաստանի Դաշնությունում։ Զորավարժությունների երրորդ փուլը՝ խաղաղապահ զորավարժությունները, կանցկացվեն Ղազախստանի տարածքում։

ՀՌՕ հրամանատար Ալեքսանդր Դվորնիկովի խոսքով, պրակտիկ գործողությունները զորավարժությունների ընթացքում կմշակվեն Հայաստանի ԶՈՒ «Բաղրամյան» եւ ռուսական «Ալագյազ»-102 ռազմաբազայի պոլիգոններում։

Առաջին անգամ կմշակվի ՀՀ եւ ՌԴ Զինված Ուժերի գումարտակային տակտիկական խմբերի համատեղ հնարքների պրակտիկան, մեկ պլանում կգործեն Հայաստանի օդուժի եւ ռուսական ավիաբազայի էսկադրիլիաները»,-նշել է Դվորնիկովը։Նա հավելել է, որ հատուկ առաջադրանքների իրականացման լուծման ժամանակ ակտիվորեն կկիրառվեն Հայաստանի, Բելառուսի, Ղազախստանի, Ռուսաստանի դեսանտագրոհային եւ հետախուզական միավորները, որոնք մասնակցել են «Որոնում 2017» համատեղ տակտիկական զորավարժություններին։ Դվորնիկովը նշել է, որ համատեղ գործողությունները թույլ կտան մշակել ապօրինի զինված կազմավորումների դեմ կռվի հավաքական միջոցներ։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Չի բացառվում, որ Ռուսաստանը մեր տարածաշրջանից դուրս գա. քաղաքագետ
Մեր անվտանգության երաշխիքը մեր մեջ է ու սա քաղաքագիտական օրենք է...
Արդյո՞ք ԱՄՆ-ը պետք է անհանգստանա Հարավային Կովկասում տեղի ունեցող իրադարձություններով. Just Security
Զենքի արտահանումը Հայաստան կարող է ներառել անօդաչու սարքերի դեմ պայքարելու...
Հիմա Դուք ո՞ւմ կողմից եք՝ ՀԱՊԿ-ի թե Հայաստանի. Միրզոյանը՝ Ռուստամյանին
Ես ԱԺ-ի կողմից եմ այստեղ: Խորհրդարանական երկրում, երբ ծրագիր է ընդունվում, ապա Կառավարությունը պարտավոր է իրականացնել այդ ծրագիրը...
Երևանը չի հասկանում՝ ինչպես են ՀԱՊԿ գործընկերները ներկայացնում Հվ. Կովկասում իրենց պատասխանատվության տարածքը. Միրզոյան 
Նախարարի խոսքով՝ հայկական կողմը գործադրել է հնարավոր բոլոր ջանքերը, որպեսզի գա նվազագույն ընդունելի ձեւակերպման, որով կարող է դիմել կազմակերպությանը....
Սյունիքի հարցում Հայաստանը պետք է գործարքի գնա Ռուսաստանի և Իրանի հետ․ Արսեն Գասպարյան
Ռուսաստանի և ՆԱՏՕ-ի միջև պատերազմը, որը մղվում է Ուկրաինայում, կարող է պրոյեկտվել Կովկասում, և եթե մենք այս խաղը ճիշտ չխաղանք, կարող են լուրջ հետևանքներ լինել...
Թե՛ անվտանգության և թե՛ տնտեսական զարգացման առումով ամենաարդյունավետ ուղղությունը ԵՄ ինտեգրումն է. «Ազատ դեմոկրատներ»
Ազատ Դեմոկրատներ կուսակցությունը ողջունում է Եվրոպական խորհրդարանի կողմից ընդունված բանաձևը…
Ամենաշատ