Երեւանում, սեպտեմբերի 29-ին, 14։20-ի սահմաններում 1-02 զանգահարած քաղաքացին հայտնել է, որ Օրբելի փողոցում տեղի է ունեցել կողոպուտ։ Կնոջ շղթան հափշտակողը «Օպել» մակնիշի մեքենայով փախել է։
Ոստիկանության Արաբկիրի բաժնի ծառայողները պարզեցին դեպքի մանրամասները։ Նույն օրը ժամը 12։30-ին Օրբելի 6 շենքի մոտ մի տղամարդ ցանկացել էր հափշտակել կնոջ ոսկյա շղթան, սակայն կարողացել էր պոկել միայն կախազարդն ու դիմել փախուստի։ Ի դեպ, ոստիկանություն զանգողը նաեւ հայտնել էր, թե «Օպելն» ինչ ուղղությամբ էր ընթացել։
Որոնողական աշխատանքների արդյունքում Աբովյան-Կորյուն փողոցների գետնանցումում հայտնաբերվել եւ ոստիկանության Արաբկիրի բաժին կողոպուտը կատարելու կասկածանքով բերման են ենթարկվել ընկերներ Գոռ Հ.-ն ու Էդգար Հ.-ն։ Խուզարկության արդյունքում Էդգարի մոտ հայտնաբերվել է հափշտակված կախազարդը, Իսկ Գոռ Հովսեփյանը խոստովանել է, որ Օրբելու փողոցում ինքն է հափշտակել կախազարդը։ Օպերատիվ հետախուզական միջոցառումների շնորհիվ պարզվեց, որ 23-ամյա Էդգար Հ.-ն Համբարձումյան փողոցի խմորեղենի խանութներից մեկից գողացել է այփադ։
Հարուցվել է քրեական գործ։ Ընկերները ստորագրությամբ բաց են թողնվել։ Հետաքննությունը շարունակվում է։