Ապօրինի զենք-զինամթերք ձեռք բերելու եւ պահելու մեղադրանքով 1 տարվա ազատազրկման դատապարտված՝ «Հիմնադիր խորհրդարանի» անդամ Արմեն Միքայելյանի պաշտպանը Վճռաբեկ բողոք է ներկայացրել:
Երվանդ Վարոսյանը պահանջում է բեկանել դատավճիռն ու արդարացնել իր պաշտպանյալին:
Արմեն Միքայելյանը բերման էր ենթարկվել անցած տարի հուլիսի 27-ին, երբ վերադառնում էր «Սասնա ծռերին» աջակցելու ցույցից: Ըստ մեղադրանքի, նրա մոտ հայտնաբերվել է ապօրինի զենք: Մալաթիա- Սեբաստիա վարչական շրջանի ընդհանուր իրավասության դատարանը Արմեն Միքայելյանին մեղավոր էր ճանաչել եւ դատապարտել 1 տարվա ազատազրկման: Դատարանը որոշել էր նաեւ Միքայելյանին կալանքի տակ վերցնել նիստերի դահլիճից:
Վերաքննիչն անփոփոխ է թողել դատավճիռը:
