Տոկիոյի Հանեդա օդանավակայանի դիսպետչերները ստիպված են եղել հետաձգել 14 ինքնաթիռների վայրէջքներն ու թռիչքները, չորս թռիչքուղիներից մեկի վրա հայտնված շան պատճառով, հաղորդում է Kyodo News-ը։
Պարզվել է, որ պուդելը պատկանում էր Օկինավա մեկնող ուղեւորներից մեկին։ Շունը տեղավորված է եղել ինքնաթիռով տեղափոխման հատուկ բեռնարկղի մեջ, սակայն ինքնաթիռում բեռնման ժամանակ նրան հաջողվել է դուրս գալ վանդակից եւ փախչել։
Օդանավակայանի աշխատակիցներից պահանջվել է 40 րոպե կենդանուն բռնելու համար։ Աշխատակազմը սկսել է ուղեբեռի բեռնման համար պատասխանատու անձնակազմի ստուգում իրականացնել։