Հայաստանը տարածաշրջանում անվտանգության եւ կայունության համար սպառնալիք չի ներկայացնում: Այս մասին NEWS.am-ի թղթակցի հետ զրույցում հոկտեմբերի 9-ին ասել է Հանրապետական կուսակցության մամուլի քարտուղար Էդուարդ Շարմազանովը՝ մեկնաբանելով Բելառուսի նախագահի պատրաստականությունը՝ ցանկացած սպառնալիքի դեպքում ադրբեջանական ժողովրդին աջակցելու դեպքում:
Նրա խոսքով՝ իրական սպառնալիք են ներկայացնում այլ երկրները:
«Հարավային Կովկասի տարածաշրջանում անվտանգության եւ կայունության սպառնալիք են ներկայացնում Ադրբեջանն ու նրա մշտական դաշնակից Թուրքիան», - ասել է Շարմազանովը` հավելելով, որ Բելառուսը ՀԱՊԿ այլ երկրների հետ ստորագրել է համապատասխան փաստաթղթեր եւ պարտավորվել է ապահովել Հավաքական անվտանգության պայմանագրի կազմակերպության իր գործընկերների անվտանգությունը եւ համատեղ ջանքերով լուծել առաջացած սպառնալիքները: