Լեհաստանում կիբերզորքեր կստեղծեն։ Այս մասին ասել է Լեհաստանի պաշտպանության նախարար Անտոնի Մաչարեւիչը, հայտնում է Onet Wiadomosci–ն։
«Կայքեր կոտրելն ու կեղծ հաղորդագրություններ տարածելը կարող են տարբեր կազմակերպությունների կողմից իրականացվել։ Կարեւոր է գիտակցել եւ հիշել, որ մեր գլխավոր հակառակորդը տեղեկությունը դարձրել է իր գլխավոր զենքը եւ ամեն օր փորձում է ազդել գիտակցության ձեւավորման վրա, մեր ուղեղների եւ իրադարձությունների նկատմամբ մեր վերաբերմունքի վրա»,– ասել է Մաչարեւիչը Կրակովում կիբերանվտանգության ֆորումի ժամանակ։
Մաչարեւիչը նման գործողությունների համար մեղադրել է Ռուսաստանին։ «Կատալոնիայի անօրինական հանրաքվեի ժամանակ ցանցահեններն օգնել էին պլեբիսցիտի կազմակերպիչներին շրջանցել Իսպանիայի կառավարության դրած քվեարկության ինտերնետ համակարգերի արգելափակումը»,– ասել է լեհ նախարարը։