Տիբեթի ինքնավար շրջանում ազգային արգելոցներից մեկում անտիլոպների հետ ավտոարշավի համար 7 զբոսաշրջիկի 16 հազար դոլարով տուգանել են, հաղորդում է Սինխուան:
Տիբեթի անտառային տնտեսության վարչությունը տեղեկացնում է, որ զբոսաշրջիկները անցյալ շաբաթ ազգային տոնի առիթով հանգստյան օրերին Նագչու շրջանի Սելինցո ազգային արգելոցում մեքենաներով անտիլոպների հոտին են հետապնդել:
Նրանց մոտ ավտարշավի մեկ րոպեանոց տեսանյութ է հայտնաբերվել: Զբոսաշրջիկների խոսքով՝ իրենք ցանկացել են ավելի մոտիկից տեսնել կենդանիներին:
Վարչության պատասխանատու ներկայացուցիչ Ժաքսի Դոյեն նշել է, որ վախեցած անտիլոպի մոտ, որը առավելագույն արագությամբ վազում է, կարող է սիրտ-թոքային անբավարարություն առաջանալ:
