News
Լրահոս
News
Ուրբաթ
Մարտ 29
Տեսնել լրահոսը

«Փաստ» օրաթերթը գրում է.

Տրանսպորտի, կապի եւ տեղեկատվական տեխնոլոգիաների նախարարությունը մտադիր է սահմանափակումներ մտցնել աջ ղեկ ունեցող ավտոմեքենաների նկատմամբ: Սակայն, թե այդ սահմանափակումներն ինչպիսի տեսք կունենան եւ ինչպես կկոչվեն, դեռեւս չգիտեն անգամ նախարարությունում:

Տրանսպորտի, կապի եւ տեղեկատվական տեխնոլոգիաների նախարարի մամուլի քարտուղար Անահիտ Առաքելյանը «Փաստի» հետ զրույցում նշեց, որ սրա հետ կապված որեւէ բան դեռեւս որոշված չէ, ամեն ինչ քննարկումների մակարդակում է, եւ չեն կարող ասել, թե ինչ որոշման են հանգել.«Որեւէ փաստաթուղթ չկա, քննարկումների եւ մշակելու փուլում ենք գտնվում: Այն, ինչ հրապարակման էր ենթակա, նախարարը հայտարարել է: Տարբերակներ շատ կարող են լինել, թե որին կհանգենք, դեռ պարզ չէ»,– նկատեց նախարարի մամլո քարտուղարը:

Որպես աջ ղեկով մեքենաների արգելքի առաջին նախապայման էր նշվում դրանց՝ վտանգավոր ու վթարների պատճառ դառնալու հանգամանքը: Իսկ արդյո՞ք որպես սրա ապացույց որեւէ վիճակագրություն կա:

Այս հարցի պատասխանը, թերեւս, շուտով կունենա Ոստիկանությունը: Ոստիկանության հասարակայնության հետ կապի եւ լրատվության վարչության պետ Աշոտ Ահարոնյանը «Փաստին» տեղեկացրեց, որ թեեւ Ճանապարհային ոստիկանությունում աջ ղեկային համակարգով տրանսպորտային միջոցների մասնակցությամբ ճանապարհատրանսպորտային պատահարների առանձին վիճակագրություն վերջին 10 տարում չի տարվել, սակայն վերջին շրջանում որոշակի վերլուծություն է կատարվել միայն 2017 թ. նշված տրանսպորտային միջոցներով տեղի ունեցած ճանապարհատրանսպորտային պատահարների մասով: Եվ այդ արդյունքների տրամադրումը տեղի կունենա վերջնական պատկեր ունենալու դեպքում:

Հայաստանում ավտոմեքենաներ ներկրող խոշոր ընկերությունները հիմնականում ներկրում են ձախակողմյան ղեկ ունեցող մեքենաներ: Բայց քիչ չեն եւ նրանք, որ մեծամասամբ աջակողմյան ղեկով մեքենաներ են ներկրում: «Ավտոիմպորտ Արմենիա» ընկերությունն իր ավտոմեքենաները ներկրում է Ճապոնիայից եւ Նահանգներից, որոնց 99%–ը աջ ղեկով են:

Ընկերությունից մեզ ասացին, թե վստահ են՝ նման արգելք չի լինելու, քանի որ նման օրենքը մեկ օրում չի ընդունվում, իսկ ղեկ փոխել ստիպելը շատ կոպիտ սխալ կլինի:

«Իրենք էլ կհասկանան, որ հնարավոր չէ: Կան մեքենաներ, որ պարզապես չի լինում փոխել: Ուրեմն թող պետությունը գնի այդ մեքենան իրենցից եւ փոխարենը ձախ ղեկով մեքենա տրամադրի»,– նշեց նա:

Ոչ մեկի համար հստակ գաղտնիք չէ այն, որ աջակողմյան ղեկով մեքենաները ավելի մատչելի են, ինչն էլ հենց դրդում է մարդկանց թեկուզ եւ փոքր–ինչ նեղվել, բայց սովորել այդպիսի ավտոմեքենա վարել:

Շարունակությունը՝ թերթի այսօրվա համարում

Տպել
Կարդացեք նաև
Ամբողջը
ԱՄՆ-ում հետ են կանչում Kia Telluride-ները, որոնք կայանատեղիից գլորվում են 
Խնդիրը Kia-ն հայտնաբերել է 2022 թվականին...
AvtoVAZ-ը սկսել է Lada-ի հավաքումն Ադրբեջանում
Ինչպես պարզաբանել են ավտոարտադրողի մամուլի ծառայությունից, սա ընկերության պատմության մեջ Ադրբեջանում Lada-ի արտադրության առաջին նախագիծն է...
Volvo-ն թողարկել է իր վերջին դիզելային մեքենան
Սա նշանավորում է Volvo-ի 45-ամյա հարաբերությունների ավարտը դիզելային շարժիչների հետ՝ դարձնելով այն...
Audi-ն ներկայացրել է Q6 e-tron էլեկտրական քրասովերը
Գերմանիայում դրա մեկնարկային գինը կլինի նույնը, ինչ՝ վերջին Lexus RX450h+-ինը...
Նոր Mercedes-AMG GT-ն՝ չորս մխոցանի շարժիչի վարկածով
Motor.ru-ն հայտնել է, որ երկու լիտրանոց M 139 «չորսանոց»-ը հագեցած է էլեկտրական տուրբո ճնշակով...
Toyota Corolla-ն այլևս աշխարհում ամենավաճառվող մեքենան չէ
Համաշխարհային շուկայի նոր առաջատարը 2023 թվականի վերջին Tesla Model Y էլեկտրական մեքենան էր...
Ամենաշատ