Ավելի քան 100 գետաձի է սատկել Նամիբիայի հյուսիս-արեւելքում, Բվաբվատա ազգային արգելոցում, մեկ շաբաթվա ընթացքում։ Namibian պարբերականի փոխանցմամբ, կենդանիների մահվան պատճառը սիբիրյան խոցի բռնկումն է։
Այգու ներկայացուցչի խոսքով, առաջին 10 գետաձիերը սատկել են հոկտեմբերի 1-Ին, ապա դրանց թիվն աճել է։ «Մենք կասկածում ենք սիբիրյան ծոցի բռնկում, բայց մեր անասնաբույժները դեռ չեն հաստատել այդ փաստը»,- նշել է նա՝ հավելելով, որ հիվանդությունը հաճախ է լինում այդ կողմերում։
Մինչ այս դեպքը Նամիբիայում 1300 գետաձի կար։
