Քալիֆորնիայի  նահանգում անտառային հրդեհներից տուժած ավելի քան 100 մարդ բուժում է ստացել տեղական հիվանդանոցներում, հայտնում է San Francisco Chronicle–ը։

St. Joseph Health հիվանդանոցի ներկայացուցիչ Վանեսա Դեգիեի խոսքով՝ 12 վիրավորների վիճակը գնահատվում է ծանր։ Տուժածների մեծ մասին օգնություն է ցուցաբերվել ծխից թունավորվելու պատճառով։

Քալիֆորնիայում անտառային հրդեհների պատճառով զանգվածային տարհանում է իրականացվում։ Իրենց տները լքել է ավելի քան 20 հազար մարդ։ Նահանգի անտառային տնտեսության դեպարտամենտի ղեկավար Քեն Փիմլոթի խոսքով՝ հրդեհները մոլեգնել են ամբողջ Հյուսիսային Քարոլինայի շրջանում։