Վանաձորում, հոկտեմբերի 9-ին, արտակարգ դեպք է տեղի ունեցել: NEWS.am-ի տեղեկություններով` բնակարանագողերը մտել են Տարոն 4 թաղամասի Մեքենաշինարարներ հասցեի տներից մեկը, որտեղ այդ պահին մարդ չի եղել:
Կարճ ժամանակ անց տուն է մտել 30-ամյա տանտիկինը ու բնակարանում հայտնաբերել անծանոթ երկու տղամարդու:
Մեզ հայտնի դարձավ, որ տիկինն անմիջապես բռնել է նրանց ու փորձել պահել այնքան, մինչեւ օգնության կգան հարեւաններն ու ոստիկանները: Բնակարանագողերը, որոնցից մեկի ձեռքին նաեւ դանակ է եղել` հասցրել են փախուստի դիմել, իրենց հետ տանելով 100 դոլար եւ 1000 դրամ գումար: Ոստիկանության Վանաձորի Տարոնի բաժնում քննություն է ընթանում: Վանաձորում բնակարանային գողությունները վերջին շրջանում շատացել են:
