Ոստիկանությունը ոչ մի ապացույց չի գտել, որ Լաս Վեգասում 59 մարդու կյանք խլած հրաձգության հեղինակ Սթիվեն Փեդոքը հանցակից է ունեցել, հայտնում է CNN–ը՝ վկայակոչելով Նեւադայի  նահանգի շերիֆ Ջոզեֆ Լոմբարդոյին։

Հեռուստաալիքը հայտնում է, որ ոստիկանությունը ոչ մի վկայություն չի գտել, որոնք կապացուցեին, որ այնտեղ 2-րդ հրաձիգ է գործել։

Հոկտեմբերի 1-ի լույս 2-ի գիշերը ամերիկացի Սթիվեն Փեդոքը Mandalay Bay Hotel հյուրանոցային համալիրի 32-րդ հարկից կրակ էր բացել քանթրի երաժշտության Route 91 փառատոնի այցելուների վրա Լաս Վեգասում։ Հրաձգության հետեւանքով զոհվել էր 59, վիրավորվել՝ 527 մարդ։

Հանցագործությունը կատարելուց հետո, մինչեւ ոստիկանների ժամանելը Սթիվենն ինքնասպան էր եղել։