«Յանդեքս» ընկերությունը գործարկել է «Ալիսա» ձայնային օգնականը, որը ճանաչում է մարդկային խոսքը, հայտնում է Gazeta–ն։
Ընկերությունից հայտնել են, որ ձայնային օգնականը չի սահմանափակվում նախապես տրված պատասխաններով։
«Ալիսան ստեղծվել է մարդկանց առօրյա խնդիրները լուծելու համար։ Նա կարող է համացանցում տեղեկություն գտնել, հուշել, թե որտեղ կարելի է ընթրել, վաղն ինչ եղանակ է լինելու եւ շատ այլ բաներ»,– ասել են ընկերությունում։
Այն ճանաչում է եւ կարողանում է մշակել կիսատ արտահայտություններն ու հարցերը, հաշվի է առնում ասվածի կոնտեքստը եւ անգամ կարող է իմպրովիզ անել։
«Ալիսան ոչ միայն ձայնային օգնական է։ Նա անհատ է՝ իր բնավորությամբ, ծիծաղելի պատմությունների պաշարով եւ հումորի զգացումով»,– նշել են «Յանդեքսում»։