Թուրքմենստանի խորհրդարանը երկրորդ անգամ նախագահ Գուրբանգուլի Բերդիմուհամեդովին Թուրքմենստանի հերոսի կոչում է տվել։ Այս մասին Մեջլիսի Ավագանու խորհրդի նիստում հայտնել է խորհրդարանի նախագահ Աքջա Նուրբերդիեւը, հայտնում է turkmenistan.gov–ը։
Թուրքմեն առաջնորդը բարձրագույն պետական պարգեւի է արժանացել «պետության ժողովրդավարական, իրավական հիմքերի կատարելագործման, ինքնիշխանության ամրապնդման, սահմանադրական կարգի, անկախության եւ չեզոքության պահպանման, քաղաքացիական համաձայնության ու ազգային միասնության գործում ունեցած ավանդի համար»։
Նիստին ներկա նախագահը շնորհակալություն է հայտնել իրեն ցուցաբերած մեծ պատվի համար, ասված է հայտարարության մեջ։
