Եթե կուսակցությունները թեկնածուներ չեն առաջադրում ՏԻՄ ընտրություններին, ուրեմն նրանք չեն պատկերացնում մարզերի նշանակությունը ամբողջ երկրի համար։ Այս մասին հոկտեմբերի 10-ին՝ մամուլի ասուլիսի ժամանակ, հայտնել է Հայաստանի տարածքային կառավարման ու զարգացման նախարար Դավիթ Լոքյանը (ՀՅԴ անդամ)։
Պատասխանելով այն հարցին, թե ինչու են ՏԻՄ ընտրություններում հիմնականում հանրապետականներն առաջադրվում, Լոքյանը նկատել է, որ ոչ ԲՀԿ-ին, ոչ ՀՅԴ-ին, ոչ մյուսներին ոչ ոք չի խանգարում առաջադրել իրենց թեկնածուներին։ «Եթե թեկնածու չեն առաջադրում՝ ուրեմն թերացել են, չեն նկատել։ Խոսքն այդ թվում ՀՅԴ-ի մասին է»։
Նշենք, որ նոյեմբերի 5-ին Հայաստանի մի շարք բնակավայրերում՝ գերազանցաբար գյուղական, ՏԻՄ ընտրություններ են անցկացվելու։