Լոնդոնում մաչետեներով եւ մուրճերով զինված վեց հանցագործ հարձակվել են զարդերի խանութի վրա, հաղորդում է The Guardian-ը։ Հանցագործները հանցանքի վայր էին եկել երեք մոպեդով։ Թալանից հետո նրանք մոպեդներից մեկը թողել են խանութի մոտ եւ փախել մյուս երկուսով։ Սակայն, հարեւան փողոցում ջարդելով մոպեդներից մեկը, բոլոր վեցը նստել են վերջին մոպեդը եւ թաքնվել։
«Մեզ հայտնի է, որ խումբը խուճապի է մատնվել եւ փախել տարբեր ուղղություններով, որպեսզի թաքնվի,-մեջբերում է Professional Jeweller-ը հանցագործության հետաքննությամբ զբաղվող դետեկտիվ Մեթ Հոլանդի խոսքը,-բարեբախտաբար, վիրավորներ չկան»։
Թալանված զարդերի խանութն աշխատում էր 1775 թվականից։ Նրա հաճախորդների թվում էին ֆրանսիայի թագուհի Մարի Անտուանետը եւ Բրիտանիայի վարչապետ Ուինսթոն Չերչիլը։ Հասցված վնասի չափը չի նշվում։