Հայաստանի մարզերում արդյունավետ ներդրումային ծրագրերը կարող են տարեկան անգամ 5 տոկոս տոկոսադրույքով վարկի հույս ունենալ։ Այս մասին հոկտեմբերի 10-ին ասել է տարածքային կառավարման եւ զարգացման նախարար Դավիթ Լոքյանը։
Նա հիշեցրել է, որ Կառավարությունն արդեն մի քանի մարզերից ներդրումային ծրագրեր է հավաքել ապագա աջակցության համար։ Հասկանալի է, որ դիմումներն ընդունվում են ընկերություններից, որոնք ի վիճակի են բանկից վարկ վերցնել։ Բայց մյուս կողմից պետությունը չի կարող բոլորին դրամաշնորհներ բաժանել։ Լոքյանը նշեց, որ իշխանությունները կարող են սուբսիդիաներ առաջարկել, որոնց հետ վարկի մարումը կնվազի մինչեւ տարեկան 12 տոկոս, ինչը շուկայականից մի քանի տոկոսով ցածր է։ Իսկ եթե ծրագիրն ավելի շատ աշխատատեղեր ստեղծի ներդրումների միավորների հաշվարկով կամ սահմանամերձ գյուղում է կամ այլ արտոնություններ ունի, արդեն ստացվում է տարեկան 5 տոկոս։ «Կառավարությունն ընդհանուր առմամբ մարզերի բիզնեսից 108 ծրագիր է ստացել, որոնցից հավանություն է տվել 58-ին։ Բայց միայն 15–ն են պատրաստ աշխատել վարկով եւ դրա համար գրավի միջոցներ ունեն։ ԱՅդ 15 նախագծերը 422 մլն դրամի վարկ կստանան»,– ասել է նա։