Հայաստանի պետական պարտքը վտանգավոր նիշի է հասնում։ Հոկտեմբերի 10-ին՝ լրագրողների հետ հանդիպման ժամանակ, այս մասին հայտնել է ԱԺ «Ծառուկյան» դաշինքի պատգամավոր Վարդան Բոստանջյանը։
Նրա խոսքով՝ Հայաստանն արդեն հասել է երկրի ՀՆԱ 58 տոկոսին։ «Սակայն այսօր–վաղը մենք կհատենք 60 տոկոսի շեմը, իսկ «Պետական պարտքի մասին» օրենքով վտանգավոր է համարվում այդ շեմը»,– ասել է նա։
Տնտեսագետը կարծում է, որ խնդիրը ոչ թե պարտքեր կուտակելու մեջ է, այլ նրանում, թե որքան արդյունավետ եւ ռացիոնալ են այդ միջոցներն օգտագործվում։ «Մենք կարող ենք պարտք երցրած միջոցները կամ ուղղակի ուտել կամ լուծել մեր երկարաժամկետ խնդիրները»,– պարզաբանեց Բոստանջյանը։